مہاراشٹر: بی جے پی حکومت کو سپریم کورٹ نے دیا جھٹکا، درختوں کی کٹائی پر فوری پابندی

Source: S.O. News Service | Published on 7th October 2019, 6:21 PM | ملکی خبریں |

ممبئی،7؍اکتوبر (ایس او نیوز؍ایجنسی) آرے کالونی میں درختوں کی کٹائی سے متعلق سپریم کورٹ نے ایک بڑا فیصلہ سنایا ہے۔ سپریم کورٹ نے حکم دیا ہے کہ فی الحال آرے میں کوئی درخت نہیں کاٹا جائے گا اور اس وقت جیسی حالت ہے، ویسی ہی بنی رہے گی۔ معاملے کی سماعت کے دوران عدالت نے کہا کہ وہ اس معاملے کو پہلے گہرائی سے دیکھے گا اور پھر کچھ تبصرہ کرے گا۔ عدالت نے ریاستی حکومت سے پوچھا کہ بتائیں کہ آپ نے اب تک کتنے درخت کاٹے ہیں۔ اس کے ساتھ ہی عدالت نے معاملے کی آئندہ سماعت 21 اکتوبر تک کے لیے طے کر دی ہے۔

سپریم کورٹ نے کہا ہے کہ درختوں کی کٹائی اگر غلط ہے تو غلط ہے، چاہے ایک فیصد ہی کیوں نہ ہو۔ عدالت نے اس دوران مہاراشٹر حکومت سے حلف نامہ مانگا اور موجودہ حالت کی جانکاری طلب کی ہے۔ ساتھ ہی عدالت نے ان کارکنان کو فوراً آزاد کرنے کے لیے کہا جنھیں احتجاج کرنے پر گرفتار کیا گیا تھا۔ سپریم کورٹ آرے کالونی کے حساس علاقہ ہونے سے متعلق فیصلہ بھی سنائے گا۔

راجیو رنجن نام کے سماجی کارکن نے درختوں کی کٹائی کے احتجاج میں چیف جسٹس رنجن گگوئی کو خط بھیجا تھا۔ عدالت عظمیٰ نے اس خط کو ہی مفاد عامہ عرضی کی شکل میں بدلتے ہوئے اس پر سماعت کرنے کا فیصلہ کیا اور اسی کی بنیاد پر خصوصی بنچ تشکیل کی۔

غور طلب ہے کہ بامبے ہائی کورٹ نے درختوں کی کٹائی کو روکنے کے لیے داخل چار عرضیوں کو جمعہ کو خارج کر دیا تھا۔ ہائی کورٹ نے ہفتہ کے روز بھی درختوں کی کٹائی پر روک لگانے سے انکار کر دیا تھا۔ ہائی کورٹ کے فیصلے کے فوراً بعد آرے کالونی میں نصف رات میں ہی درختوں کی کٹائی شروع ہو گئی تھی۔ ماحولیات سے محبت کرنے والے سماجی کارکنان درختوں کی کٹائی کی مخالفت کر رہے ہیں۔

اس درمیان ممبئی کی ایک عدالت نے اتوار کو درخت کاٹے جانے کی مخالفت کر رہے 29 مظاہرین کو ضمانت دے دی۔ مظاہرین کو عوامی نظام میں رخنہ پیدا کرنے اور سرکاری افسروں کو ان کے کام سے روکنے کے لیے گرفتار کیا گیا تھا۔ ڈِنڈوشی ہالی ڈے کورٹ نے 7 ہزار روپے کے نقد بانڈ پر شرط کے ساتھ ضمانت دی ہے۔ عدالت نے کہا ہے کہ انھیں آگے کی پوچھ تاچھ کے لیے تھانہ جانا ہوگا۔ پولس نے مظاہرین پر تعزیرات ہند کی کئی دفعات لگائی ہیں۔

ایک نظر اس پر بھی

پی ایم مودی کی بھتیجی کے ’پرس‘ کی طرح تلاش کرتے تو میرا بیٹا میرے ساتھ ہوتا، نجیب کی ماں

جواہر لال نہرو یونیورسٹی (جے این یو) کے طالب علم نجیب احمد کے لاپتہ ہونے کے تین سال بعد اس کی والدہ فاطمہ نفیس نے منگل کے روز جنتر منتر پر احتجاج کیا اور وزارت داخلہ سے اپنے بیٹے کی گمشدگی کے حوالہ سے جواب مانگا۔ اس موقع پر یونائیٹڈ اگینسٹ ہیٹ کی جانب سے ایک احتجاجی مارچ کا ...

آگسٹا ویسٹ لینڈ کے ملزم کے خلاف کارروائی پر روک لگانے کے لئے دہلی ہائی کورٹ کے فیصلے کو سپریم کورٹ نے کیا منسوخ

آگسٹا ویسٹ لینڈ کے ملزم گوتم کھیتان کے خلاف کارروائی پر روک لگانے کے لئے دہلی ہائی کورٹ کے فیصلے کو سپریم کورٹ نے منسوخ کر دیا۔سپریم کورٹ نے دوبارہ دہلی ہائی کورٹ سے کھیتان کی عرضی پر سماعت کرنے کو کہا۔دہلی ہائی کورٹ نے کہا تھا کہ کھیتان کا معاملہ 1 اپریل 2016 سے پہلے کا ہے لہٰذا ...

یوپی کی سابق ایم پی اور کانگریس لیڈر راج کماری رتنا سنگھ بی جے پی میں ہوئیں شامل

پرتاپ گڑھ کی سابق ایم پی اور کانگریس لیڈر راج کماری رتنا سنگھ اپنے حامیوں کے ساتھ بھارتیہ جنتا پارٹی (بی جے پی) میں شامل ہو گئیں ہیں۔رتناسنگھ نے وزیر اعلی یوگی آدتیہ ناتھ کی موجودگی میں بی جے پی کی رکنیت حاصل کی۔بتا دیں کہ پرتاپ گڑھ کے گڑوارا میں منگل کو وزیر اعلی یوگی آدتیہ ...

یوپی: دو سال کی بچی سے عصمت دری، ملزم گرفتار

شہر کے تھانہ سی بی گنج علاقے کے ایک گاؤں میں دو سال کی بچی کے ساتھ پڑوسی نے مبینہ طور پر عصمت دری کی۔پولیس نے ملزم کو گرفتار کر لیا ہے۔سینئر پولیس سپرنٹنڈنٹ شیلندر پانڈے نے منگل کو بتایا کہ گاؤں کے رہائشی ایک شخص کی دو سالہ بیٹی پیر کی شام گھر کے باہر کھیل رہی تھی۔

بندیل کھنڈ: پہلے سوکھا اور اب بے موسم کی بارش سے پریشان کسان کررہے ہیں خودکشی

پہلے سوکھا اور اب زیادہ بارش کی وجہ سے بندیل کھنڈ کے کسان خودکشی کر رہے ہیں۔کئی سال سے بندیل کھنڈ میں پڑ رہے سوکھے کی وجہ سے کسان خودکشی کر رہے تھے، لیکن اس سال بے موسم بارش کی وجہ سے بندیل کھنڈ میں خریف کی فصل برباد ہوگئی۔جس سے کسانوں میں زبردست مایوسی ہے۔

مدھیہ پردیش: آبکاری افسر کے ٹھکانوں پر لوک آیکت کے چھاپے، کروڑوں کی جائیداد کا انکشاف

مدھیہ پردیش کے اندور میں آبکاری محکمہ کے اسسٹنٹ کمشنر آلوک کھرے کے کئی ٹھکانوں پر منگل کو لوک آیکت کی ٹیم نے چھاپہ ماری کی۔ابتدائی تحقیقات میں ہی دو مقامات پر 57 ایکڑ کے فارم ہاؤس سمیت کروڑوں کی جائیداد کا انکشاف ہوا ہے۔ٹیم مزید تفتیش میں لگی ہوئی ہے۔لوک آیکت کے ذرائع سے ملی ...