بنگلورو،28؍دسمبر(ایس او نیوز)پارٹی میں بڑی تبدیلیاں رونماہورہی ہیں،اس قسم کی خبریں ذرائع ابلاغ (میڈیا)کی پیداوارہیں۔پارٹی اور حکومت کے درمیان مکمل تال میل ہے۔آئندہ ہونے والے اسمبلی انتخابات کاسامناہم سب مل کرمتحدہ طورپرکریں گے۔یہ وضاحتی باتیں ریاستی وزیراعلیٰ بسوراج بومئی نے کہیں۔بروزپیراخباری نمائندوں کے ساتھ بات چیت کے موقع پرانہوں نے کہاکہ 28اور29دسمبر کوہبلی میں انعقادپذیرریاستی بی جے پی ایگزکٹواورکورکمیٹی میٹنگ کے سلسلہ میں غیرضروری باتیں وائرل کی جارہی ہیں۔اس میٹنگ میں متوقع ریاستی قیادت پربات چیت کی جارہی ہے۔اس سلسلہ میں میڈیاکے سوال پرجواب دیتے ہوئے وزیراعلیٰ نے کہاکہ کورکمیٹی میٹنگ کے حوالے سے ریاستی بی جے پی قیادت میں تبدیلی کی خبریں گردش کررہی ہیں،یہ سب میڈیاکی کارستانی ہے،انہوں نے میڈیابرہمی ظاہر کرتے ہوئے کہاکہ پارٹی میں تبدیلی کی باتیں میڈیاکی پیداکردہ ہیں۔خودنیوزبناتے ہیں اورپھراس کی وضاحت ہم سے حاصل کرنا چاہتے ہیں۔کابینہ کی ازسرنوتشکیل ذرائع ابلاغ کی افواہ ہے۔کابینہ کی ازسرنوتشکیل کے سلسلہ میں ہمارے پاس کوئی جانکاری نہیں ہے۔انہوں نے کہاکہ اخباری نمائندوں سے کہاکہ ہم پارٹی میٹنگ میں کیاباتیں کریں گے،کونسے مسائل زیربحث لائے جائیں گے؟ اور سیاست کریں گے اس بارے میں آپ کوجانکاری فراہم کرناضروری نہیں ہے۔کس موقع پرکونسی بات کرناہے اورکس مسئلہ کوزیربحث لاناہے ہم وہ تمام کریں گے، یہ سب ہماری پارٹی کے اندرونی مسائل ہیں۔انہوں نے مزیدکہاکہ ریاستی بی جے پی کے تمام مسائل پرپارٹی ہائی کمان نظررکھاہواہے۔یہاں ریاستی قیادت میں کیاکیاباتیں ہورہی ہیں ہائی کمان کے علم میں ہے۔پارٹی اورحکومت کے درمیان کوئی الجھن نہیں ہے۔سب ٹھیک ٹھاک چل رہاہے۔آئندہ دنوں میں مزیدعمدہ پروگرام بنائے جائیں گے۔ہماری کارکردگی سامنے رکھتے ہوئے متحدہ طورپر اسمبلی انتخابات کاسامنے کریں گے۔رکن اسمبلی رمیش جارکی ہولی کے خلاف پارٹی کارروائی پرکئے گئے سوال پربومئی نے کہاکہ اس سے ہائی کمان اچھی طرح باخبرہے۔

جشن سال نو:جشن سال نومنانے کے لیے ریسارٹ اورسیاحتی مقامات پربڑھتی عوام کی بھیڑبھاڑپروزیراعلیٰ نے کہاکہ سال نوکاجشن منانے لوگ کہیں بھی جائیں اورکہیں بھی منائیں جہاں بھی جائیں کووڈکے ضوابط پرسختی سے عمل کریں۔لوگوں کوکہیں بھی جانے کی آزادی حاصل ہے،شرط یہ ہے کہ کووڈکے رہنماخطوط پرعمل کریں۔

کووڈمعاوضہ:انہوں نے مزیدکہاکہ کووڈسے فوت ہونے والوں کے لیے معاوضہ کااعلان کیاگیاہے،معاوضہ فراہمی میں تاخیرنہیں ہورہی ہے،کووڈسے فوت ہونے والوں کی دستاویزات جمع کی جارہی ہیں،دومہینوں تک انتخابی ضابطہ اخلاق نافذتھا،اس لیے معاوضہ دینے میں تاخیرہوئی ہے،تاہم بہت سارے اضلاع میں ڈپٹی کمشنرمعاوضہ رقم جاری کررہے ہیں۔

نائٹ کرفیوکادفاع:ریاست کرناٹک میں نائٹ کرفیوجاری کرنے پرہرطرف سے مخالفت کی جارہی ہے،اس پروزیراعلیٰ دفاع کرتے ہوئے کہاکہ عوام کی صحت کوپیش نظررکھتے ہوئے نائٹ کرفیوکافیصلہ کیاگیاہے۔ہماری بھی خواہش ہے کہ اقتصادی اورتجارتی سرگرمیاں جاری رہیں،لیکن کووڈکے پھیلاؤ کے خوف سے نائٹ کرفیوجاری کرناناگزیرہوگیاہے،عوام سے امیدہے کہ وہ حکومت کابھرپورتعاون کریں گے۔

گھٹنے کے دردکاناٹی علاج: وزیراعلیٰ بسوراج بومئی نے پیرکے روزبی پی ایل اوراے پی ایل مستفیدین میں چیک تقسیم پروگرام میں شرکت کرتے ہوئے انہوں نے کہاکہ سرمائی سیشن مکمل ہونے کے بعد بنگلورواپسی قبل میں نے بیلگاوی میں اپنے گھٹنے کے دردکے لیے ناٹی علاج کروایاہے،اس علاج سے بہتری محسوس ہورہی ہے۔