ووٹ بیداری کیلئے محکمہ ڈاک نے خصوصی پوسٹل کور اور اسٹامپ جاری کیا

Source: S.O. News Service | By Shahid Mukhtesar | Published on 15th April 2019, 11:41 AM | ریاستی خبریں |

بنگلورو،15؍اپریل (ایس او نیوز)عوام میں ووٹنگ کے لئے بیداری لانے کے مقصد کے تحت انتخابی کمیشن نے محکمہ ڈاک کے تعاون سے خصوصی پوسٹل اینولپ (کور) اور پوسٹل اسٹامپ کا اجراء کیا۔وارتا سودھا میں منعقد ایک پروگرام میں ریاستی چیف انتخابی افسر سنجیو کمار اور کرناٹک کے چیف پوسٹ ماسٹر جنرل چارلس لوبونے مشترکہ طور پر پوسٹل کور اور اسٹامپ کا اجراء کیا۔ ان خصوصی کور پر 2019 کے لوک سبھا انتخابات کا لوگو اور’’ ملک کا مہااتسوا‘‘ نعرہ طبع کیا گیا ہے اور عوام کو ای وی ایم اور وی وی پیاٹ کے استعمال کے تعلق سے جانکاری فراہم کی گئی ہے۔ اس موقع پر عوام میں بیداری کے لئے انتخابی کمیشن کی جانب سے تیار ویڈیو بھی جاری کیا گیا اس کے علاوہ کنڑا فلمی ڈائرکٹر شری بھگوان کی جانب سے ووٹنگ کے تعلق سے تیار ڈاکیو مینٹری کو بھی قوم کے نام منسوب کیا گیا۔ نا بینا رائے دہندگان میں بیداری کیلئے برائل رسم الخط کے پوسٹ کارڈ جاری کر کے چیف پوسٹ ماسٹر جنرل کے حوالے کیا گیا۔ اس موقع پر خطاب کرتے ہوئے چیف پوسٹ ماسٹر جنرل،کرناٹک چارلس لوبو نے کہا کہ رائے دہندگان میں ووٹ کی اہمیت بتانے اور ووٹ کے تناسب میں اضافہ کے لئے الیکشن کمیشن آف انڈیا کی جانب سے کی جانے والی خصوصی کوشش کا محکمہ ڈاک نے بھر پور ساتھ دیا ہے۔ انہوں نے کہا کہ بالخصوصی پوسٹل رائے دہندگان کے لئے خصوصی سہولت فراہم کرکے محکمہ ڈاک نے قدم اٹھایا ہے جس کے تحت فوج میں خدمت انجام دے رہے رائے دہندگان کو الیکٹرانک بیلٹ فراہم کرنے محکمہ ڈاک نے کوشش کی ہے۔ انہوں نے بتایا کہ اسی طرح سی آر پی ایف، سی آئی ایس ایف عملہ تعینات کئے ہوئے ایر پورٹ و دیگر علاقوں میں محکمہ ڈاک کے افسر اور عملہ پہنچ کر انہیں الیکٹرانک بیلٹ کے تعلق سے جانکاری فراہم کررہا ہے۔

ایک نظر اس پر بھی

آئی ایم اے معاملہ:منصورخان نے کی خودسپردگی کی پیشکش،ویڈیو پیغام میں جان کے خطرے کے خدشے کا اظہار-پولیس کمشنر کے سامنے تمام تفصیلات رکھنے کی یقین دہانی

ای ڈی کے ذریعہ سمن جاری ہونے کے تین دن کے بعد گذشتہ 8 جون سے مفرور آئی ایم اے کے منیجنگ ڈائرکٹر محمدمنصورخان نے اپنی زندگی کا ثبوت دیتے ہوئے ایک ریکارڈ ویڈیو پیغام پولیس کمشنر الوک کمار اوردیگر سرمایہ کاروں کے لئے ریلیز کیا -

لوگوں کا دکھ درد جاننے دیہات کے دورے پر نکلے وزیراعلی کمارسوامی، اسکول کی فرش پر گزاری رات

کرناٹک کے وزیر اعلی ایچ ڈی کمارسوامی گرام قیام پروگرام کے تحت دیہاتوں  کا دورہ کر رہے ہیں،وہ جمعہ کو جنوبی کرناٹک میں یادگیر ضلع میں گرمیتکل تعلقہ میں آنے والے چندرکی گاؤں پہنچے جہاں گاؤں والوں نے جم کر ان کا استقبال کیا۔ ...