سدارامیا نے آر ایس ایس کی وطن پرستی پر اٹھائے سوال ، بتایا جائے کہ وہ قومی پرچم کے ساتھ ہے یا زعفرانی پرچم کے ساتھ ؟ گاندھی کے ساتھ ہے یا گوڈ سے کے ساتھ ؟

Source: S.O. News Service | Published on 30th May 2022, 1:50 PM | ریاستی خبریں |

بنگلورو ، 30؍ مئی (ایس او  نیوز )  کرناٹک کے سابق وزیر اعلیٰ اور ریاستی اسمبلی کے اپوزیشن لیڈر سدارامیا نے آرایس ایس کو نشانہ بناتے ہوئے بعض ایسے سوالات کرڈالے ہیں  کہ  اُن کے جوابات دینا آر ایس ایس کے لئے مشکلات پیدا کرسکتے ہیں۔انہوں نے سوال اٹھایا ہے کہ آرایس ایس اس ملک کے قومی پرچم ترنگے کو سلامی دیتے ہیں  یا زعفرانی  جھنڈے  کو سلامی دیتے ہیں ؟

سدارامیا نے سلسلہ وار ٹوئٹ میں آر ایس ایس کے   قائدین کو کہا ہے کہ وہ  یہ واضح کرے  کہ ان کی وفاداری قومی پرچم کے تئیں ہے یا زعفرانی پرچم کے تئیں ۔ انہوں نے کہا کہ آرایس ایس کے رہنماؤں کو اس سوال کا جواب اپنے ضمیر کو جھنجھوڑ کر دینا چاہئے ۔ انہوں نے  یہ بھی  سوال کیا ہے کہ آرایس ایس کی وفاداری ہندوستان کے آئین کے تئیں  ہے یا منوسمرتی کے تئیں؟ سی کے ساتھ اس بات کا بھی  جواب دینے کے لئے کہا کہ وہ  اس بات کو واضح کریں کہ وہ  گاندھی جی کے  ساتھ ہیں  یا گوڈ سے کے  ساتھ ہیں؟

سدارامیا نے آر آرایس ایس کے نام سے ایک  ہیش ٹیگ بنا کر آرایس ایس کے رہنماؤں کے سامنے  یہ سوال  اُٹھائے  ہیں اور کہا ہے کہ اس معاملے پر سیاسی جوابات دینے کی بجاۓ،  جوسوالات پوچھے  گئے ہیں راست طور پر اس کا ہی  جواب دیا جاۓ۔

ایشور پا بد  تہذیب سیاستدان : سدارامیا نے سابق وزیر ایشور پا کی سیاسی بدزبانی کونشانہ بناتے ہوئے کہا کہ وہ انتہائی بدتہذیب سیاستدان ہیں۔ انہوں نے کہا کہ عوامی زندگی میں رہنے والوں کو شائستگی اور پارلیمانی لب  و لہجے  سے واقفیت ہونی چاہئے ۔ ان تمام سے عاری ایشور پا میں اور کسی جانور میں وہ فرق نہیں سمجھتے ۔

انہوں نے کہا کہ یہ بات سچ ہے کہ سونیا گاندھی اٹلی میں پیدا ہوئیں۔ ہندوستان آکر انہوں نے راجیو گاندھی سے شادی کی ، اس میں غلط کیا ہے۔ کیا اب سونیا گا ندھی ہندوستانی نہیں ہیں؟ ۔ ریاستی وزیر ایس ٹی سوم شیکھر کی طرف سے آرایس ایس کی تعریف کے بارے میں ایک سوال پر سدارامیا نے کہا کہ سوم شیکھر نئے نئے بی جے پی میں شامل ہوۓ ہیں ۔ نئے نئے میں نیا نیا دھوبی زیادہ تھیلیوں کی صفائی کرتا ہے۔ سوم شیکھر کا وہی معاملہ ہے۔ رفتہ رفتہ ان کو بھی احساس ہو جاۓ گا ۔

انہوں نے کہا کہ سوم شیکھر ایک بنیادی کانگریسی ہیں ، بنیادی سنگھی نہیں ۔ وزیر بننے کے لئے بی جے پی میں شامل ہونے والے سوم شیکھر آرایس ایس سے کیسے وابستہ ہو سکتے ہیں؟ ۔ سدارامیا نے کہا کہ انہوں نے اپنے دوراقتدار میں کروبا فرقہ کو درج فہرست قبائل میں شامل کرنے کے لئے ریسرچ کرنے کی ذمہ داری میسور کی ایک تنظیم کو دی تھی لیکن اب تک اس کی رپورٹ نہیں آئی ہے۔اس دوران ایشور پا نے کر و با فرقہ کو ایس ٹی میں شامل کرنے کے لئے پد یا تر ابھی کی تھی ۔ اب مرکز اور ریاست دونوں جگہ پر بی جے پی کی حکومت ہے تو پھر اس سلسلہ میں فیصلہ کرنے میں حکومت کو دشواری کیا ہے ۔

حجاب معاملہ میں انہوں نے کہا کہ اپنے کندھے پر تولیہ ڈالنا یا پنچی  پہننا ان کی روایت ہے اور اس پر عمل کر رہے ہیں ، اسی طرح مسلم خواتین کی روایت ہے کہ وہ حجاب پہنیں ، اس سے دوسروں کو کیا تکلیف ہے؟ ۔ وزیر اعلیٰ  کے اس سوال پر کہ سدارامیا یہ بتائیں کہ وہ دراوڈ ہیں یا آرین سدارامیا نے کہا کہ وہ اصلی در اوڈ اور اس ملک کے بنیادی شہری ہیں ۔ آرین وسط ایشیاء سے ہندوستان آئے اورانہوں نے ہندوستان میں سکونت اختیار کی ۔لیکن ان سے یہ نہیں کہا جا سکتا کہ وہ ہندوستان چھوڑ کر چلے جائیں ۔ اسی طرح دوسروں کو بھی کوئی نہیں کہہ سکتا کہ وہ ملک چھوڑ کر کہیں اور چلے جائیں ۔

ایک نظر اس پر بھی

بنگلور: بی جے پی کو کانگریس کا جواب؛ یوم آزادی کے موقع پر کانگریس کی طرف سے قومی پرچم، کیپ اور ٹی شرٹ بالکل مفت دینے کا اعلان

حکمراں بی جے پی کو کرارا جواب دیتے ہوئے آج  کرناٹک کانگریس کی طرف سے اعلان کیا گیا ہے کہ   یوم آزادی کی 75 ویں سالگرہ کے موقع پر 15 اگست کو  بنگلور کے سنگولی رائینا سرکل سے بسونگڈی  تک فریڈم مارچ نکالا جائے گا اور  اس مارچ میں شرکت کے لئے نام درج کروانے والوں کو  قومی پرچم، ایک ...

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...

سیلاب متاثرین کے معاوضہ کیلئے 300 کروڑ روپئے جاری: آر اشوک

ریاست میں بی جے پی کی سوپر سرکار ہے، کانگریس پارٹی کی طرف سے لگایاجارہاالزام ”سیلاب متاثرین کیلئے معاوضہ فراہم کرنے ریاستی حکومت کے پاس رقم نہیں ہے“بالکل جھوٹا اور بے بنیادہے،سیلاب متاثرین کیلئے مرحلہ وار معاوضہ دئے جانے کا انتظام کیاجارہاہے۔یہ بات ریاستی وزیر برائے ...