سابق اسپیکر رمیش کمار کو سپریم کورٹ کا نوٹس
بنگلورو،14؍ستمبر (ایس او نیوز)سابق رکن اسمبلی جی کے وینکٹ شیوا ریڈی کی جانب سے داخل معاملہ میں سابق اسمبلی اسپیکر رمیش کمار کو سپریم کورٹ نے نوٹس جاری کیا ہے۔ سابق رکن اسمبلی نے 20دسمبر 2019میں ودھان سودھا میں مبینہ طور پر رمیش کمار کے خلاف میڈیا کو ہتک آمیز بیان دیا تھا۔ اس بیان میں انہوں نے رمیش کمار پر 120ایکڑسرکاری اور محکمہ جنگلات کی زمین پر غیر قانونی قبضہ کرنے کا الزام لگایا تھا اور جس وقت وزیر صحت کا قلمدان سنبھال رہے تھے اس وقت 533.22 کروڑ روپئے کی دھاندلیاں کی تھیں،کنٹرولر اور آڈیٹر جنرل کی رپورٹ میں بھی اس کی تصدیق کی گئی ہے۔ اس سلسلہ میں 6فروری کو کرناٹک ہائی کورٹ کے جسٹس اندرا بنرجی اور جسٹس جے کے مہیشوری کی بنچ اس عرضی پر سماعت کرتے ہوئے رمیش کمار سے جواب طلب کیا تھا۔