ریاست میں حکمران بی جے پی تمام شعبوں میں ناکام ہوچکی ہے: سدارامیا

Source: S.O. News Service | Published on 7th August 2022, 11:44 AM | ریاستی خبریں |

بنگلورو، 7؍اگست (ایس او نیوز)اسمبلی میں اپوزیشن لیڈر سدارامیا نے کہا کہ کانگریس پارٹی کا واحد ایجنڈا اسمبلی انتخابات میں بی جے پی کو شکست دینا اور کانگریس پارٹی کو اقتدار پر لانا ہے۔

سابق ایم ایل اے ڈاکٹرایم سی سدھاکر کے کانگریس میں شامل ہونے کے بعد پہلی بارانہوں نے آج اپنی طاقت کا مظاہرہ کرنے کیلئے منعقدہ امرت مہواتسووا پدایاترا میں شرکت کی اور اپنے خطاب میں کہاکہ ریاست میں حکمران بی جے پی تمام شعبوں میں ناکام ہوچکی ہے۔ عوام دشمن، غریب دشمن پالیسیوں پر عمل پیرا ہے۔ ریاست کے تمام حصوں میں لوگ شدید مایوسی کا شکار ہیں۔کانگریس ریاست کے تمام224حلقوں میں پد یاترا کر رہی ہے۔یہ بات سو فیصد درست ہے کہ عوام کے جوش و خروش کو دیکھیں تو 2023کے انتخابات میں کانگریس اقتدار پر ضرور آئے گی۔ اگر جمہوریت، آئین اور آزادی کو زندہ رکھنا ہے تو ہندو، مسلمان، عیسائی اور سکھ سمیت تمام ہندوستانیوں کو ایک ماں کی اولاد بن کر لڑنا ہوگا۔ 15اگست کو تحریک آزادی کی یاد اور قومی پرچم کو خراج عقیدت پیش کرنے کیلئے ایک زبردست واک اور عوامی ریلی نکالی جائے گی۔

انہوں نے ملک کے کونے کونے سے لوگوں سے شرکت کی اپیل کی۔ ایم ایل اے کرشنا بائرے گوڈا نے کہا کہ ملک کی آزادی کے 75 سال کے پس منظر میں کانگریس نے جدوجہد آزادی اور جنگجوؤں کی یاد منانے کیلئے پد یاترا کا آغاز کیا ہے۔ کے پی سی سی صدر ڈی کے شیوکمار نے چکبالا پور اور کولار اضلاع میں کانگریس کو مضبوط کرنے کے مقصد سے ڈاکٹر ایم سی سدھا کر سے کئی بار بات کی۔ آج حلقہ کے تمام ایم سی ایس کے پرستاروں کو کانگریس میں بھرتی کیا جا رہا ہے۔ ڈاکٹر ایم سی سدھاکر میدان میں کام کریں اور جیتنے کی ذمہ داری لیں۔ انہوں نے درخواست کی کہ انہیں دوسرے علاقوں میں بھی انتخابی مہم چلانے کی اجازت دی جائے۔ سابق ایم ایل اے ڈاکٹر ایم سی سدھاکر نے صدارت کی۔

اے آئی سی سی سکریٹری ابھیشیک، ایم ایل اے کے آر رمیش کمار، ایس این سبایڈی، کے سری نواس گوڈا، سابق ایم پی وی ایس اگرپا، این سمپنگی، ضلع کانگریس کے صدر کیشواریڈی، سابق ممبران مقامی ضلع پنچایت، تعلقہ پنچایت، چیئرمین، وائس چیئرمین اور سابق ممبران اسمبلی موجود تھے۔ میونسپل کونسل کے ممبر، صدر اور وائس چیئرمین، ٹی اے پی سی ایم ایس،اے پی ایم سی کے موجودہ اور سابق ممبر، موجودہ اور سابق صدر، نائب صدر، ممبرس، تعلقہ کی مختلف گرام پنچایتوں کے لیڈروں نے شرکت کی۔

ایک نظر اس پر بھی

صدر جمہوریہ دروپدی مرمو نے میسور و کے دس روزہ دسہرہ تقریبات کا افتتاح کیا

دوماہ کی تیاریوں کے بعد آج بروز پیر صدر جمہوریہ دروپدی مرمو نے میسور کے چامنڈی پہاڑ پر دس روزہ دسہرہ تقریبات کا چامنڈیشوری دیوی کی مورتی پر پھول نچھاور کرکے افتتاح کیا۔ پہلے صدر جمہوریہ نے چامنڈیشوری دیوی کے درشن کئے اور اس مندر کی تاریخ کے تعلق سے تفصیل سے جانکاری حاصل کی۔

ذہنی دباؤ بیسویں صدی کا ایک مہلک مرض؛ آئیٹا گلبرگہ کے ورک شاپ سے ڈاکٹر عرفان مہا گا وی کا خطاب

نئے دور کی شدید ترین بیماریوں میں ذہنی دباؤ اور اس سے پیدا ہونے والے اثرات کو مہلک امراض میں شمار کیا جاتا ہے ۔ روز مرہ کی مشینی زندگی میں ذہنی دباؤ  میں بہت زیادہ اضافہ ہوا ہے ۔ لیکن اس کو کیسے کم کیا جائے اس پر غور کر نے اور اس سلسلے میں کوشش کرنے کی ضرورت ہے ۔

پی ایف آئی پر ای ڈی اور این آئی اے کے کریک ڈاون کے بعد ایس ڈی پی آئی نے کہا؛ ایجنسیوں نے کبھی بھی آر ایس ایس اور اس سے منسلک تنظیموں پر چھاپہ نہیں مارا

 سوشیل ڈیموکریٹک پارٹی آف انڈیا (SDPI) کرناٹک یونٹ نے بنگلور میں اپنے ریاستی مرکزی دفتر میں ایک پریس کانفرنس کا انعقاد کرتے ہوئے الزام لگایا کہ ای ڈی اور این آئی اے نے کبھی بھی آر ایس ایس اور اس سے منسلک تنظیموں پر چھاپہ نہیں مارا بلکہ صرف پاپولرفرنٹ آف انڈیا کو ہی نشانہ بنایا ...