کوپل 25 ؍ستمبر (ایس او نیوز) کوپل ضلع کے ایلبورگا تعلقہ میں بیؤر نامی مقام پر کرناٹکا گرامین بینک میں ڈاکہ ڈالنے اور 1کروڑ روپوں سے زیادہ مالیت کے سونے او رچاندی کے زیورات اور نقدی لوٹے جانے کی واردات پیش آئی ہے۔
اطلاع کے مطابق لٹیروں نے ڈاکہ زنی کے لئے گیس کٹر کے ذریعے بینک کا شٹر کاٹ کر اندر گھسنے کے بعد لوٹ کی یہ واردات انجام دی ہے۔اس کے علاوہ سی سی کیمرہ کی ریکارڈنگ والی ہارڈ ڈسک بھی اڑا لے گئے ہیں۔بتایا جاتا ہے کہ ضلع کوپّل میں پچھلے کچھ برسوں میں ہوئی یہ سب سے بڑی ڈاکہ زنی کی واردات ہے۔ ضلع ایس پی سنگیتا نے جائے واردات پر پہنچ کر معائنہ کیا ہے اور افسران کو تحقیقات سے متعلق ہدایات دیں ہیں۔