لوگوں کا دکھ درد جاننے دیہات کے دورے پر نکلے وزیراعلی کمارسوامی، اسکول کی فرش پر گزاری رات

Source: S.O. News Service | By Shahid Mukhtesar | Published on 22nd June 2019, 9:28 PM | ریاستی خبریں |

بنگلورو، 22 /جون(ایس او نیوز/آئی این ایس انڈیا) کرناٹک کے وزیر اعلی ایچ ڈی کمارسوامی گرام قیام پروگرام کے تحت دیہاتوں  کا دورہ کر رہے ہیں،وہ جمعہ کو جنوبی کرناٹک میں یادگیر ضلع میں گرمیتکل تعلقہ میں آنے والے چندرکی گاؤں پہنچے جہاں گاؤں والوں نے جم کر ان کا استقبال کیا۔

ایک افسر نے بتایا کہ وزیر اعلی جمعہ صبح یادگیر ضلع پہنچے تو لوگوں نے جوش کے ساتھ ان کا استقبال کیا۔چندکاری گاؤں پہنچنے تک راستے بھر لوگ ان کا استقبال کرتے رہے۔اس سے پہلے کمارسوامی جمعہ کو کلبرگی ضلع کے افضل پور تعلقہ کے ہیرور بی گاؤں پہنچے،اگرچہ اس دوران وہاں بھاری بارش ہو گئی، جس کی وجہ سے ان کا پروگرام ملتوی کرنا پڑا۔ایسے میں کمارسوامی کو چندکی گاؤں یادگیر میں سرکاری پرائمری اسکول میں ٹھہرایا گیا۔یہاں وہ ایک کمرے میں فرش پر ہی سوتے ہوئے نظرآئے۔

گاؤں میں نو تعمیر شدہ اسکول کا جائزہ لینے کے بعد وزیر اعلی نے عوام درشن پروگرام میں لوگوں کے مسائل اور شکایات سنے اور ان کے حل کا حکم دیا۔وزیر اعلی کے دفتر کے ایک افسر نے بتایا کہ چندرکی گاؤں کے ارد گرد کے سینکڑوں لوگ جمع تھے جن میں کسان، خواتین، نوجوان، کاریگر، تاجر اور دیگر دیہی شامل تھے۔اس دوران لوگوں نے وزیر اعلی کے سامنے اپنے مسائل اور شکایات رکھی۔وزیراعلی سے ملنے والے زیادہ تر لوگوں نے اسکول، پرائمری ہیلتھ، سڑک، بیجوں کی وقت سے فراہمی، کھاد اور پڑھے لکھے نوجوانوں کے لئے ملازمت کی مانگ رکھی۔افسر نے بتایا کہ وزیر اعلی نے ثقافتی پروگرام میں حصہ لیا اور جس اسکول میں ٹھہرے تھے رات میں اسی اسکول کے بچوں کے ساتھ ڈنر کیا۔یہ دوسری بار ہے جب کمارسوامی لوگوں کے ساتھ بات چیت کرنے اور ان کے مسائل کو جاننے کے لئے ایک گاؤں میں رات بھر رکنے کا پروگرام شروع کیا ہے۔کمارسوامی کے گاؤں میں ان کا گھر اس لئے مقبول تھا کیونکہ 2006-07 کے دوران جے ڈی ایس-بی جے پی حکومت کے دوران وہ گاؤں میں رکتے تھے،جہاں ان سے ملنا اور اپنی شکایت درج کرانا ان کے لئے آسان تھا۔

ایک نظر اس پر بھی

پتورکے ویویکا نندا کالج میں گینگ ریپ کی واردات کے بعد طلبہ کے لئے سخت قوانین کا نفاذ۔ کلاسس معطل۔ طلبہ کے اندر اضطراب 

گزشتہ دنوں  اپنی ہم جماعت طالبہ کے ساتھ  کچھ طلبہ کی جانب سے کیے گئے گینگ ریپ کی وجہ سے سرخیوں میں آنے والے قریبی شہر پتور  کے مشہور ویویکانندا کالج میں طلبہ کے لئے نئے قوانین اور ضابطے وضع کیے گئے ہیں، جن کی پابندی کا عہد کیے بغیر کسی بھی طالب علم کوکلاس میں داخل ہونے کی اجازت ...

آئی ایم اے سرمایہ کاری گھوٹالے کے سرغنہ منصور خان کوایس آئی ٹی نے کیا گرفتار؛ چھان بین کے لئے کیا انفورسمنٹ ڈائریکٹوریٹ کے حوالے

حلال کمائی کے نام پر بھاری منافع کا لالچ دے کرہزاروں لوگوں سے کروڑوں روپے سرمایہ کاری میں لگوانے کے بعد اچانک فرار ہوجانے والے آئی ایم اے کے سرغنہ منصور خان کوپولیس کی خصوصی تحقیقاتی ٹیم (ایس آئی ٹی)نے نئی دہلی کے ایئر پورٹ پر رات 1.30بجے گرفتار کرلیا۔

مینگلور کے قریب بنٹوال میں بھیانک سڑک حادثہ؛ بھٹکل کے ایک ہی خاندان کے چار افراد ہلاک، سات زخمی؛ مرنے والوں میں دلہا بھی شامل

مینگلور کے قریب بنٹوال میں  آج جمعہ صبح   پیش آئے ایک بھیانک سڑک حادثے میں بھٹکل کے ایک ہی خاندان کے چار افراد ہلاک ہوگئے جبکہ سات دیگر شدید زخمی ہوگئے ۔ مرنے والوں میں  دلہا بھی شامل ہے جبکہ دلہن  کی حالت نازک بتائی گئی ہے۔  حادثہ اُس وقت پیش آیا جب ایک کار، جس پر یہ سبھی ...

باغی اراکین اسمبلی ایوان کی کارروائی میں حاضر ہونے کے پابند نہیں:سپریم کورٹ عدالت کے فیصلہ سے مخلوط حکومت کو جھٹکا -کانگریس عدالت سے دوبارہ رجوع کرے گی

کرناٹک کے باغی اراکین اسمبلی کے استعفوں سے متعلق سپریم کورٹ نے آج جو فیصلہ سنایا ہے وہ ”آڑی دیوار پر چراغ رکھنے“ کے مصداق ہے- کیونکہ اس سے نہ کرناٹک کا سیاسی بحران ختم ہوگا اورنہ ہی مخلوط حکومت کو بچانے میں کچھ مدد ملے گی-