بی جے پی کو 2014 کے مقابلے میں زیادہ سیٹیں ملیں گی:راج ناتھ سنگھ

Source: S.O. News Service | By Shahid Mukhtesar | Published on 15th May 2019, 11:19 AM | ملکی خبریں |

نئی دہلی،15/ مئی (ایس او نیوز/آئی این ایس انڈیا) وزیر داخلہ راج ناتھ سنگھ نے لوک سبھا انتخابات میں 2014 سے زیادہ سیٹ جیتنے کی توقع ظاہر کرتے ہوئے منگل کو کہا کہ اس الیکشن میں این ڈی اے کو دو تہائی اکثریت کے امکان کو مسترد نہیں کیا جا سکتا۔راجناتھ نے بی جے پی ہیڈ کوارٹر میں صحافیوں کو بتایاکہ بھارتیہ جنتا پارٹی 2014 سے بھی زیادہ سیٹیں اس لوک سبھا انتخابات میں جیتنے جا رہی ہے۔این ڈی اے کو دو تہائی اکثریت کے امکان کو مسترد نہیں کیا جا سکتا۔انہوں نے کہا کہ گزشتہ پانچ برسوں میں وزیر اعظم پر لوگوں کا بھروسہ بڑھا ہے۔ انہوں نے کہا کہ آخری بار مقابلہ مودی بنام سونیا گاندھی / منموہن سنگھ تھا، اس بار مودی جی کے سامنے کون ہے۔بی جے پی لیڈر نے کہا کہ اپوزیشن کی طرف سے یہ دعوی کیا جا رہا ہے کہ وہ حکومت بنائیں گے، لیکن عوام ان سے پوچھے کہ ان کا لیڈر کون ہے کیونکہ یہ نامعلوم ہے۔سنگھ نے کہا کہ جمہوری نظام میں عوام کو اندھیرے میں نہیں رکھا جا سکتا اور عوام کے ساتھ اس طرح کا کھیل نہیں ہونا چاہئے۔انہوں نے کہاکہ ہماری حکومت کے کچھ خاص خصوصیات ہیں ملک کی ترقی اور ملک کی سلامتی۔ان شعبوں میں ہماری حکومت کو شاندار کامیابی حاصل ہوئی ہے۔اس کا واضح نتیجہ دکھائی دے رہا ہے۔بی جے پی کے سینئر لیڈر نے کہا کہ جب سے عام انتخابات کا سلسلہ شروع ہوا ہے تب سے اکثر ہر الیکشن میں مہنگائی کا مسئلہ ہوتا تھا لیکن 2004 اور 2019 کے انتخابات میں مہنگائی مسئلہ نہیں بنی اور اقتصادی فورم پر یہ ہماری حکومت کی بہت بڑی کامیابی ہے۔ کانگریس پر نشانہ لگاتے ہوئے راج ناتھ سنگھ نے کہاکہ المیہ ہے کہ دہشت گردی کے خلاف ہماری لڑائی کو کانگریس نے اپنے ایکشن پر کمزور کیا ہے۔کانگریس نے اپنے دور اقتدار میں ہندو دہشت گردی کی نئی تھیوری دی، جو دہشت گردی کو فروغ دینے والا ہے۔انہوں نے کہاکہ کانگریس شروع سے ہی غریبی ہٹاؤ کی بات کرتی آئی ہے۔لیکن انہوں نے غربت دور کرنے کے لئے کوئی اچھا قدم نہیں اٹھائے اب راہل جی کہہ رہے ہیں کہ اب تک ناانصافی ہوتی رہی، ہم ’انصاف‘ کریں گے۔تو اس ناانصافی کا ذمہ دار کون ہے۔سنگھ نے کہاکہ کانگریس کے گزشتہ پانچ سال کے کام کاج کو دیکھا جائے اور مودی جی کے پانچ سال کے کام کاج کو دیکھا جائے تو واضح ہوتا ہے کہ مودی جی کی سرکار میں سیکورٹی کے شعبے میں ملک میں بے مثال کام ہوا ہے۔

ایک نظر اس پر بھی

ریزرویشن سے متعلق آر ایس ایس اور بی جے پی کے ارادے ٹھیک نہیں: تیجسوی یادو

  بہار اسمبلی میں اپوزیشن لیڈر تیجسوی پرساد یادو نے ریزرویشن کے معاملے پر راشٹریہ سوئم سیوک سنگھ ( آر ایس ایس ) کے چیف موہن بھاگوت کے حالیہ بیان پر پلٹ وار کرتے ہوئے کہا کہ ریزرویشن کو لے کر آر ایس ایس اور بھارتیہ جنتا پارٹی ( بی جے پی ) کے ارادے ٹھیک نہیں ہیں۔