نئی دہلی، 26 جون(ایس او نیوز/آئی این ایس انڈیا) یوپی اے صدر سونیا گاندھی کی قیادت میں آج لوک سبھا میں کانگریس ممبران پارلیمنٹ کی میٹنگ ہوئی جس میں کانگریس صدر راہل گاندھی سمیت پارٹی کے تمام رہنما موجود رہے۔ اجلاس میں پارٹی کے تمام ممبران پارلیمنٹ نے راہل گاندھی سے صدر کے عہدے پر رہنے کی اپیل کی مگروہ نہیں مانے۔ انہوں نے یہ بھی کہا ہے کہ اگلا پارٹی صدر غیر گاندھی خاندان سے منتخب کیا جانا چاہئے۔جیت کر لوک سبھا پہنچے ششی تھرور اور منیش تیواری جیسے بڑے لیڈروں نے یہ کہتے ہوئے انہیں سمجھانے کی کوشش کی کہ انتخابات میں شکست صرف آپ کی ذمہ داری نہیں بلکہ اجتماعی طور پر سب کی ہے۔ ممبران پارلیمنٹ نے ان سے استعفیٰ واپس لینے کی مسلسل اپیل کرتے رہے مگر راضی نہیں ہوئے۔ بتا دیں کہ لوک سبھا انتخابات میں ملی شکست کے بعد راہل اپنے استعفیٰ پر اڑے ہوئے ہیں۔