سچائی کو بیریکیڈ نہیں کیا جا سکتا، میں وزیر اعظم سے نہیں ڈرتا: راہل گاندھی

Source: S.O. News Service | Published on 4th August 2022, 8:08 PM | ملکی خبریں |

نئی دہلی،4؍اگست (ایس او نیوز؍ایجنسی) مہنگائی، بے روزگاری اور اشیائے خوردونوش پر عائد کی گئی جی ایس ٹی کے خلاف 5 اگست کو کانگریس کی جانب کئے جانے والے احتجاج سے قبل پارٹی کے دفتر اور لیڈران کی رہائشوں پر بھاری تعداد میں پولیس اور سیکورٹی فورسز کی تعیناتی اور رکاوٹیں کھڑی کرنے کے درمیان کانگریس کے لیڈر راہل گاندھی نے کہا ہے کہ وہ وزیر اعظم نریندر مودی سے نہیں ڈرتے اور سچائی کو بیریکیڈ نہیں کیا جا سکتا۔

راہل گاندھی نے ٹوئٹر پر لکھا ’’سچائی کو بیریکیڈ نہیں کیا جا سکتا۔ کر لیں جو کرنا ہے، میں وزیر اعظم سے نہیں ڈرتا، میں ہمیشہ ملک کے مفاد میں کام کرتا رہوں گا۔ سن لو اور سمجھ لو۔‘‘ اس ٹوئٹ کے ساتھ راہل گاندھی نے اپنی ایک ویڈیو بھی شیئر کی ہے جس میں وہ صحافیوں سے کہہ رہے ہیں ’’ہم مشتعل نہیں ہوں گے۔ ہم نریندر مودی سے نہیں ڈرتے ہیں۔ کر لیں جو کرنا ہے۔ کچھ فرق نہیں پڑے گا۔ میرا کام ہے ملک کی حفاظت کرنا، جمہوریت کی حفاظت کرنا، ملک کی ہم آہنگی کو برقرار رکھنا اور میں اپنا کام کرتا رہوں گا۔‘‘

خیال رہے کہ گزشتہ شام دہلی پولیس نے کانگریس پارٹی کو ایک نوٹس بھیج کر اطلاع دی ہے کہ کانگریس نے 5 اگست کو عوامی مسائل کے خلاف جو دھرنا، احتجاج اور صدارتی محل تک مارچ نکالنے کا منصوبہ بنایا ہے اسے اجازت نہیں دی گئی ہے۔ پریس کانفرنس سے خطاب کرتے ہوئے پارٹی لیڈر اجے ماکن نے کہا کہ حکومت صرف اور صرف اصل مسائل سے توجہ ہٹانے کے لئے ایسے حربوں کا استعمال کر رہی ہے اور کانگریس لیڈران کی گھیرابندی کر رہی ہے۔

کانگریس کا اعلان ہے کہ مودی حکومت جو چاہے کر لے لیکن 5 اگست کو کانگریس پارٹی کی جانب سے ملک گیر احتجاج ضرور کیا جائے گا۔ اجے ماکن نے کہا کہ انہیں جیل میں ہی کیوں نہ بند کر دیا جائے، پارٹی نے جو پروگرام طے کیا ہے اس پر پوری طرح عمل کیا جائے گا۔

ایک نظر اس پر بھی

پی ایم مودی کی میٹنگ سے نتیش اور چندرشیکھر راؤ رہے غائب

وزیر اعظم نریندر مودی نے اتوار کے روز نیتی آیوگ کی ساتویں گورننگ کونسل کی میٹنگ کی صدارت کی۔ یہ میٹنگ اتوار کو دہلی میں راشٹرپتی بھون کے کلچرل سنٹر میں منعقد ہوئی۔ میٹنگ میں کئی ریاستوں کے وزرائے اعلیٰ نے شرکت کی، لیکن دو بڑے لیڈران یعنی بہار کے وزیر اعلیٰ نتیش کمار اور ...

پارتھا چٹرجی کے 50 بینک کھاتوں کا انکشاف

 انفورسمنٹ ڈائرکٹوریٹ (ای ڈی) نے جو کروڑہا روپئے مالیتی اساتذہ بھرتی اسکام کی تحقیقات کررہا ہے، اس نے پارتھا چٹرجی اور ان کی معاون ارپیتا مکرجی کے کم از کم 50 بینک کھاتوں کا پتہ چلایا ہے، جو وہ انفرادی طور پر یا مشترکہ طور پر چلاتے تھے۔

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...