نپا ہ وائرس سے نمٹنے کے لئے تیار ہے  پانڈیچری 

Source: S.O. News Service | By Shahid Mukhtesar | Published on 13th June 2019, 12:22 PM | ملکی خبریں |

 پانڈیچری 13/جون (ایس او نیوز/ آئی این ایس انڈیا)پانڈیچری حکومت نے بدھ کو کہا کہ اس نے نپا ہ سے نمٹنے کی پوری تیاری کر لی ہے۔ تمل ناڈو کے ایک شخص میں اس وائرس کی علامات پائے جانے کے بعد حکومت نے یہ قدم اٹھایا ہے۔ طبی حکام نے بتایا کہ تامل ناڈو کے50 سالہ ایک شخص کو سرکاری ہسپتال میں داخل کرایا گیا ہے۔ اس میں بخار اور دماغ میں سوجن کی علامات پائے گئے ہیں۔وہ حال ہی میں کیرالہ سے واپس آیا تھا۔ جہاں نپا ہ کا ایک معاملہ سامنے آیا ہے۔پانڈیچری کی صحت اور خاندان فلاحی خدمات کے ڈائریکٹر نے بتایا کہ بیماری کی نگرانی کے پروگرام  نے منگل کو ایک ہنگامی جائزہ میٹنگ کی، انہوں نے یہ بھی بتایا کہ مریض کے جسم سے مائع مادہ کا نمونہ لے کر اسے چیک کرنے کے لئے پونے کے ریسرچ انسٹی ٹیوٹ بھیج دیا گیا ہے اور رپورٹ کا انتظار ہے۔انہوں نے بتایا کہ بیماری کو پھیلنے سے روکنے کے لئے اندرا گاندھی گورنمنٹ جنرل ہاسپٹل اینڈ ریسرچ انسٹی ٹیوٹ کی مدد سے سرکاری ہسپتال میں الگ تھلگ وارڈ بنائے  گئے ہیں۔ حکومت نے نجی ہسپتالوں سے اس تعلق سے اپنی رپورٹ پیش کرنے کو کہا ہے۔ 

ایک نظر اس پر بھی

پارلیمانی اجلاس کا آغاز تین طلاق بل منظورکرانا حکومت کیلئے بڑا چیلنج

پارلیمنٹ کے پیر سے شروع ہونے والے اجلاس میں نئی حکومت کے سامنے جہاں تین طلاق بل سمیت دس اہم آرڈیننس کو منظور کرانے کا بڑا چیلنج ہوگا، وہیں اپوزیشن پارٹیاں حکومت کو کسانوں، بے روزگاری، سکیولرزم، الیکٹرانک ووٹنگ مشین جیسے بہت سے دیگر مسائل پر گھیرنے کی کوشش کریں گی-