بنگلورو،20؍دسمبر(ایس او  نیوز) شہر کے پو لیس کمشنر کمل پنت نے کہا کہ شہر کے سیانکی تالاب کے احاطہ میں موجود چھتراپتی شیواجی کے مجسمہ کی تو ہین کے پیش نظر شہر بھر میں موجود مجسموں کو تحفظ فراہم کیا جا ئے گا۔

ایک اخباری بیان جاری کرتے ہوئے انہوں نے کہا کہ شہر میں کہیں بھی حالات کشیدہ نہ ہوں، اس کے لئے احتیاطی اقدامات کئے گئے ہیں۔انہوں نے بتا یا کہ شہر میں موجود مراٹھی طبقہ کے تعلیمی اداروں،ہاسٹلس،عمارتوں اور مہار اشٹرا کے بسوں کو کسی بھی طرح کا کو ئی نقصان نہ پہنچے اس کے لئے پو لیس بندوبست کیا گیا ہے۔

انہوں نے بتا یا کہ زیادہ حساس علاقوں میں صورتحال کشیدہ نہ ہو اس کے لئے پو لیس اہلکاروں کو تعینات کیا گیا ہے۔پو لیس کمشنرنے بتا یا کہ مراٹھی اور،کنڑا نواز تنظیموں کے قائدین کے ساتھ پو لیس مسلسل رابط میں ہے۔ انہوں نے عوام سے گزارش کی کہ وہ غلط افواہوں پر کان نہ دھریں۔انہوں نے بتا یا کہ شہر میں امن کی فضا کو دھکا پہنچا نے والے شر پسند عناصر پر کڑی نظر رکھنے کے لئے انہوں نے متعلقہ تمام پو لیس تھانوں کے اعلیٰ افسران کو ہدایت دی ہے۔ پو لیس کمشنر نے کہاکہ شہر میں موجود تمام مجسموں سے قریب خفیہ کیمرے ٹھیک طرح سے کام کر رہے ہیں یا نہیں اس کی پو لیس اہلکار جانچ کر رہے ہیں،اس کے علاوہ پو لیس گشت میں بھی اضافہ کیا گیا ہے،اور ضرورت پڑھنے پر احتیاطی اقدامات کئے جا ئیں گے۔ اس سلسلہ میں چند شر پسند عناصر کو حراست میں لیا گیا ہے۔

پو لیس کمشنر کمل پنت نے بتا یا کہ سیانکی تالاب میں موجود چھترا پتی شیواجی کے مجسمہ کے اطراف واکناف خفیہ کیمروں کو نصب کیا گیاہے، اس کے علاوہ ایک کرناٹک اسٹیٹ ریزور پولیس (کے ایس آر پی) ٹکڑی کو مجسمہ کی حفاظت کیلئے مقرر کیا گیا ہے۔