یو پی میں خواتین کے خلاف دلدوز جرائم پر خاموش کیوں ہے یوگی حکومت: پرینکا گاندھی

Source: S.O. News Service | Published on 14th February 2020, 1:11 AM | ملکی خبریں |

لکھنؤ،14/فروری(ایس او نیوز/ایجنسی) اتر پردیش میں بڑھتے جرائم کے واقعات پر کانگریس جنرل سکریٹری پرینکا گاندھی نے یوگی حکومت کو تنقید کا نشانہ بنایا ہے۔ انھوں نے جرائم کے بڑھتے واقعات کا تذکرہ کرتے ہوئے کہا ہے کہ اتر پردیش میں روزانہ خواتین کے ساتھ جرائم ہو رہے ہیں، لیکن ان دل دہلا دینے والے واقعات پر حکومت خاموشی اختیار کیے ہوئےہے۔

پرینکا گاندھی نے اس سلسلے میں ایک ٹوئٹ کیا ہے جس میں انھوں نے لکھا ہے کہ ’’فیروز آباد میں عصمت دری متاثرہ کے والد کا قتل کر دیا گیا۔ سیتا پور میں بچی کی عصمت دری کی گئی اور پھر قتل کر دیا گیا۔ کہاں ہے حکومت؟‘‘ وہ مزید لکھتی ہیں کہ ’’بی جے پی راج میں خواتین کے خلاف جرائم کا گراف بڑھا ہے، لیکن کوئی ذمہ داری بھی نہیں لے رہے۔‘‘ اپنے ٹوئٹ میں کانگریس جنرل سکریٹری نے ایک تصویر بھی پیش کی ہے جس میں لکھا ہے ’’ایٹہ میں گھر میں گھس کر عصمت دری کی کوشش اور ناکام ہونے پر لڑکی کا گلا ریتا۔ سیتا پور میں 3 سال کی بچی کے ساتھ عصمت دری اور اس کا قتل کر دیا گیا۔ فیروز آباد میں عصمت دری متاثرہ کے والد کو گولی مار کر قتل کر دیا گیا۔ چترکوٹ میں دیوانگنا وادی کے پاس ملی خاتون کی لاش، گھر والوں نے لگایا قتل کا الزام۔‘‘

واضح رہے کہ بدھ کے روز کانگریس جنرل سکریٹری پرینکا گاندھی اعظم گڑھ کے بلیریا گنج میں شہریت ترمیمی قانون کے خلاف مظاہرہ میں تشدد کے دوران زخمی خواتین سے ملاقات کے لیے پہنچی تھیں۔ اس دوران پرینکا گاندھی نے کہا تھا کہ یہ (یوگی) حکومت پوری طرح سے غریبوں کے خلاف کام کر رہی ہے۔ انھوں نے مزید کہا تھا کہ جن لوگوں پر ظلم ہوا ہے اور جو لوگ جیل میں بند ہیں، ان کو انصاف دلانے کی ہر ممکن کوشش کی جائے گی۔ انھوں یہ بھی کہا تھا کہ ’’آپ سبھی کے ساتھ غلط کیا گیا ہے۔ ہمیں اس ناانصافی کے خلاف کھڑا ہونا ہوگا۔‘‘

ایک نظر اس پر بھی

ٹی آر پی گھوٹالہ: برے پھنسے ارنب! پارتھو داس گپتا نے40لاکھ روپے لینے کا کیا اعتراف

ٹی آر پی گھوٹالہ کو لے کر ممبئی پولیس کی تفتیش جاری ہے اور اس درمیان ’ریپبلک ٹی وی‘ کے ایڈیٹر اِن چیف ارنب گوسوامی کیلئے بری خبر سامنے آ رہی ہے- تازہ ترین اطلاعات کے مطابق بارک کے سابق چیف ایگزیکٹیو افسر پارتھو داس گپتا نے ممبئی پولیس کو دیئے گئے ایک تحریری بیان میں اس بات کا ...

26جنوری کو ایس ڈی پی آئی کی جانب سے ملک بھر میں ’’کسان یکجہتی مارچ ‘‘

سوشیل ڈیموکریٹک پارٹی آف انڈیا(ایس ڈی پی آئی) قومی جنر ل سکریٹری الیاس محمد تمبے نے اپنے جاری کردہ اخباری بیان میں کہا ہے کہ 26جنوری 2021کو ہونے والے کسانوں کے احتجاج کی حمایت میں ایس ڈی پی آئی ملک بھر میں ’’کسان یکجہتی مارچ‘‘منعقد کرے گی۔

ہندوستان – چین فوج کے درمیان سکم میں ہوا تھا معمولی تصادم، مقامی کمانڈروں نے معاملے کو کیا حل : ہندوستانی فوج

ہندوستان اور چین آرمی کے مابین سکم میں معمولی تصادم کی خبریں سامنے آ رہی ہیں۔ ایل اے سی پر دونوں فوجوں کے مابین تصادم 20 جنوری کو سکم کے علاقے ناکو لا میں ہوا تھا۔ یہ معاملہ مقامی کمانڈروں کی سطح پر حل کیا گیا ہے۔