پرشانت کشور نے پھر ممتا کی فتح کو یقینی قرار دیا، یہ چیلنج بھی دہرایا کہ زعفرانی پارٹی بنگال میں 2ہندسی عدد پار نہیں کرپائیگی

Source: S.O. News Service | Published on 28th February 2021, 12:35 PM | ملکی خبریں |

کولکاتہ،28؍فروری (ایس او نیوز؍ایجنسی) انتخابات کی تاریخوں کا اعلان ہوتے ہی ممتا بنرجی کی انتخابی مہم کی حکمت عملی تیار کرنے والے پرشانت کشور نے اپنے اس  چیلنج کو دہرایا ہے کہ مغربی بنگال میں ایک بار پھر ممتا بنرجی ہی اقتدارمیں واپس آئیں گی۔  اس سے قبل وہ ایک ٹویٹ میں دعویٰ کرچکے ہیں کہ بنگال میں بی جےپی کے اراکین اسمبلی کی تعداد 2؍ ہندسی عدد بھی پار نہیں کرپائے گی یعنی 100؍ تک بھی نہیں پہنچ پائے گی۔

سنیچر کو اپنے اس  چیلنج کو دہراتے ہوئے انہوں نے ایک ٹویٹ میں کہا ہے کہ انہیں2؍ مئی کو (جب انتخابی نتائج آئیں  گے)ان کا آخری ٹویٹ یاد دلادیا جائے۔  انہوں نے ٹویٹ کیا ہے کہ ریاست کے عوام اپنی بیٹی کو واپس لانا چاہتے ہیں مئی کو ہمارے ہی حق میں نتائج آئیں گے ۔ پرشانت کشور کے مطابق’’ہندوستان میں جمہوریت کی ایک اہم لڑائی مغربی بنگال میں لڑی جائیگی۔ یہاں  کے عوام اپنے پیغام کے ساتھ تیار ہیں۔ وہ صحیح کارڈ دکھانے کافیصلہ کرچکے ہیں۔‘‘اس کے ساتھ ہی انہوں نے ’’بنگال کو صرف اپنی بیٹی چاہئے‘‘ کا نعرہ دہراتے ہوئے یاد دہانی کرائی ہے کہ ’’2؍ مئی کو مجھے میرے سابقہ پیغام کیلئے    جوابدہ ٹھہرائیے گا۔‘‘

اپنے سابقہ ٹویٹر پیغام میں  پرشانت کشور نے کہاتھا    کہ  ’’اگر بی جے پی نے 2021ء کے مغربی بنگال اسمبلی انتخابات میں دو ہندسوں کو عبور کیا تو وہ ٹویٹر چھوڑ دیں گے۔‘‘  ان  کے اس ٹویٹ کے جواب میں وزیر داخلہ امیت شاہ نے مغربی بنگال اسمبلی انتخابات میں294؍ سیٹوں میں سے200؍ سے زیادہ سیٹیں جیتنے کا ہدف مقرر کیا  ہے۔ بی جےپی  نے پرشانت کشور کے دعوؤں کا مذاق اڑاتے ہوئے کہا ہے کہ وہ مغربی بنگال کی حقیقی صورتحال سے واقف نہیں ہیں۔ بنگال میں 29؍ اپریل تک8؍ مرحلوں میں الیکشن ہوں گے۔ 

 

ایک نظر اس پر بھی

ہانک کانگ نےہندوستان،پاکستان اور فلپائن کی پروازوں پر لگائی دو ہفتوں کی پابندی

کورونا وبا کےپھیلاؤ کےپیش نظر ہانگ کانگ نے فیصلہ کیا ہےکہ وہ اگلےدوہفتوں کےلئےہندوستان، پاکستان اور فلپائن سےآنےوالی پروازوں پر پابندی لگارہا ہے۔ہانگ کانگ نےان تین ممالک سےآنےوالی تمام پرواز یں معطل کر دی ہیں۔ہانک کانگ کےذمہ داران اس کی وجہ کووڈ19 کے ایشیائی ممالک میں ...

مدھیہ پردیش میں کووڈ کا قہر، 30 اپریل تک کورونا کرفیو کا نفاذ

مدھیہ پردیش میں حکومت کی تمام کوششوں کے باوجود کورونا کا قہرجاری ہے۔ ریاست میں کورونا کے ایکٹو مریضوں کی تعداد جہاں اڑسٹھ ہزار کو تجاوز کر گئی ہیں وہیں پچھلے چوبیس گھنٹےمیں ریاست میں کورونا کے بارہ ہزار دو سو اڑتالیس نئے معاملے درج کئے گئے ہیں ۔

کووڈ بحران سے نمٹنےکےلیے سابق وزیراعظم منموہن سنگھ نے وزیراعظم مودی کو دیئے یہ 5اہم مشورے

ہندوستان میں عالمی وبا کورونا وائرس کے مثبت معاملوں کی بڑھتی ہوئی تعداد کے بارے میں ہر حلقے سے تشویش کا اظہار کیاجارہا ہے۔ اسی ضمن میں ملک کے سابق وزیراعظم، کانگریس کے سینئر ترین رہنما اور معروف ماہر معاشیات ڈاکٹر منموہن سنگھ  نے وزیراعظم نریندر مودی کو کووڈ۔19 کے بحران سے ...

بہار میں15 مئی تک اسکول ، کالج اور تمام مذہبی مقامات بند ،رات کا کرفیو نافذ

ہار کے وزیراعلیٰ نتیش کمار نے ریاست میں کورونا کے تیزی سے بڑھ رہے معاملوں پر لاک ڈاﺅن کا اشارہ دیتے ہوئے باہر سے آنے والے لوگوں سے جلد سے جلد لوٹنے کی اپیل کرتے ہوئے آج کہاکہ وبا کی روک تھام کیلئے فی الحال ریاست میں ” رات کا کرفیو“ سرکاری دفاتر میں کام کی مدت کم کرنے ، سبھی ...