بنگلورو، 18؍مارچ(ایس او نیوز)کرناٹک کے وزیر اعلیٰ بی ایس ایڈی یورپا نے چہارشنبہ کے روز وزیر اعظم کے ساتھ ویڈیوکانفرنسنگ کے بعد صحافیوں کو بتایا کہ وزیر اعظم نریندر مودی نے ریاست میں بڑھتے ہوئے معاملات کے تناظر میں کرناٹک حکومت سے بنگلورو، کلبرگی اور بیدر پر خصوصی توجہ دینے کو کہا ہے۔ ریاستوں اور مرکزی علاقوں کے وزرائے اعلیٰ ملک میں کووِڈ 19 صورتحال پر تبادلہ خیال کریں گے۔

خبر رساں ادارے پی ٹی آئی نے ایڈی یورپا کے حوالے سے بتایا کہ وزیر اعظم نریندر مودی نے کرناٹک سے ان خطوں میں بڑھتے ہوئے کورونا وائرس کیسوں کے پیش نظر بنگلور، کلبرگی اور بیدر پر توجہ دینے کو کہا ہے۔ایڈی یورپا نے صحافیوں کو یہ بھی بتایا کہ وزیر اعظم نے ان تینوں اضلاع پر جس وجہ سے زور دیا اس کی وجہ یہ ہے کہ ان کااضلاع کاتعلق مہاراشٹرسے پڑتاہے، کیونکہ یہ تینوں ہی جگہیں مہاراشٹرا - کرناٹک سرحد پر واقع ہیں۔ چونکہ مہاراشٹر کووِڈ 19 میں حالیہ بحالی کا سامنا کر رہا ہے، کرناٹک نے مہاراشٹر اور کیرلا سے آنے والے مسافروں کے لئے آر ٹی پی سی آر ٹیسٹ لازمی قرار دے دیاہے۔

ایڈی یورپا نے پی ٹی آئی کو بتایا جیسے جیسے بنگلور، کلبرگی اور بیدر میں معاملات چل رہے ہیں جو مہاراشٹرا کی سرحد پر واقع ہیں، وزیر اعظم نریندر مودی نے ہم سے ان تینوں اضلاع پر توجہ دینے کو کہا۔ وزیر اعلیٰ نے ویڈیوکانفرنسنگ کے دوران وزیر اعظم مودی کو کرناٹک کی طرف سے ہر روز تین لاکھ افراد کو کووِڈویکسین دینے کی تیاری اور بنگلورو میں تین کووِڈ کیئر سنٹر کھولنے کے فیصلے سے آگاہ کیا۔ہم نے بنگلورو میں تین کووِڈ کیئر سنٹر کھولنے کا فیصلہ کیا ہے۔منگل کے روز کرناٹک میں پچھلے تین ماہ میں روزانہ کووڈ 19 کے سب سے زیادہ واقعات رپورٹ ہوئے۔