سیلاب کی صورت حال سے حفاظت کیلئے 17 محکموں کی کار گاہ
بنگلورو،11؍جون(ایس او نیوز) بروہت بنگلورو مہا نگرا پالیکے (بی بی ایم پی) اور کرناٹک قدرتی آفات سے تحفظ انتظامیہ (کے ایس ڈی ایم اے) نے حال ہی میں شہری سیلاب کی صورت حال اور بنیادی ڈھپانچہ کے انہدام سے متعلق ایک معیاری ضابطہ عمل (ایس او پی) کی تیاری کے لئے 17 مختلف سرکاری محکموں کے ذمہ داران کی ایک کارگاہ منعقد کی تھی-منصوبہ در اصل شہری سیلاب کی صورت حال پر زیادہ موثر انداز میں قابو پانے کے لئے تمام اداروں اور وسائل کو مربوط کرکے ایک پلیٹ فارم پر جمع کرنا ہے-مذکورہ کارگاہ میں ہر ایک محکمہ کی طرف سے اس مسئلہ کے حل کے سلسلہ میں اس کا اپنا کیا کردار ہو سکتا ہے اس تعلق سے تجاویز و آراء پیش کی گئیں اور ان پت تبادلہ خیال بھی کیا گہا ہے-واضح رہے کہ کرناٹک ریاستی قدرتی آفات سے تحفظ انتظامیہ نے دوسری ریاستیں جیسے آندھرا پردیش اور کیرلا میں شہری سیلاب کی صورت حال اور اس کے اثرات سے متعلق مختلف معیارات کا مطالعہ کیا ہے- بی بی ایم پی کمشنر این منجو ناتھ نے بتایا کہ ”یہ کار گاہ موسم باراں کے لئے ایک منصوبہ عمنل کی تیاری کے سلسلہ میں تھی اور اس مقصد کے تحت بھی کہ ہرایک محکمہ اس بات سے واقف ہو کہ اس کا کردار کیا ہوگا“-