صرف 31فی صدکوویکسین دے کر100کروڑکاجشن ؟اتنابھی نہ پھینکیں، اویسی کاکانگریس اورسماجوادی پارٹی پربھی حملہ،مولاناکلیم صدیقی اورفیصل پر مانگا جواب
میرٹھ 24؍اکتوبر(آئی این ایس انڈیا) اے آئی ایم آئی ایم کے سربراہ اسد الدین اویسی نے یوپی اسمبلی انتخابات سے قبل میرٹھ کے کٹھور جلسہ عام میں بی جے پی سمیت اپوزیشن جماعتوں پر حملہ کیا۔ 100 کروڑ کی ویکسینیشن پر انہوں نے کہاکہ ملک کی کل آبادی کا 31 فیصد کو ویکسین لگایا گیا ہے اور مودی 100 کروڑ کی بات کرتے ہیں۔ اتنا نہ پھینکیں۔اویسی نے کہا کہ جب کشمیر سے آرٹیکل 370 ہٹا دیا گیا ہے تو وزیر داخلہ امت شاہ 35 گاڑیوں کے قافلے میں کشمیر کیوں جاتے ہیں؟ جب کشمیر آزاد ہوگا تو وزیر داخلہ بھی 3 گاڑیوں میں جاسکتے ہیں۔اویسی نے کہا کہ میں کانگریس کا پیار پوچھنا چاہتا ہوں۔ اناؤ کے فیصل کی پولیس حراست میں موت ہوگئی۔
پھر آپ کیوں نہیں گئے؟ آپ ہم سے ووٹ کیوں مانگتے ہیں؟ میں پوچھتا ہوں کہ کتنی جماعتوں نے مولاناکلیم صدیقی کا نام لیا۔ مجلس کی لڑائی انصاف کی لڑائی ہے۔ کلیم کا نام لیا تو شیام کو غصہ آئے گا۔مسلمانوں کو 2022 میں ایس پی کو ووٹ دینے کی غلطی نہیں کرنی چاہیے۔ تبلیغی جماعت کو نشانہ بنانے کے وقت اے آئی ایم آئی ایم ان کے ساتھ تھی۔ اویسی نے اکھلیش پر بھی طنز کیا۔ کہا کہ منیش گپتا گورکھپور میں پولیس کے مظالم کا شکارہے۔ اس لیے ایس پی اور کانگریس کے لیڈر ان سے ملنے جاتے ہیں۔ جب کسی مسلمان کا انکاؤنٹر ہوتا ہے تو پولیس اسے تشدد کا نشانہ بناتی ہے ، پھر اکھلیش اس سے ملنے کیوں نہیں جاتے؟