بھیما کوریگاؤں معاملے کی ملزم سدھا بھاردواج کی مشکلات میں اضافہ، ضمانت کے خلاف سپریم کورٹ پہنچی این آئی اے

Source: S.O. News Service | Published on 3rd December 2021, 11:35 PM | ملکی خبریں |

نئی دہلی ،3 ؍دسمبر (آئی این ایس انڈیا) چھتیس گڑھ کی معروف سماجی کارکن اور وکیل سدھا بھاردواج کو ممبئی ہائی کورٹ کی طرف سے دی گئی ضمانت کے خلاف قومی تحقیقاتی ایجنسی (این آئی اے) نے سپریم کورٹ میں عرضی دائر کی ہے۔ سپریم کورٹ میں عرضی داخل کرتے ہوئے این آئی اے نے بامبے ہائی کورٹ کے یکم دسمبر کے حکم کو چیلنج کیا ہے اور بامبے ہائی کورٹ کے فیصلے پر روک لگانے کی درخواست کی ہے۔

دراصل بدھ کو بامبے ہائی کورٹ نے 2018 کے بھیما کوریگاؤں-ایلگار پریشد ذات پات کے تشدد کیس میں سدھا بھاردواج کو ڈیفالٹ ضمانت دے دی تھی۔ عدالت نے سدھا بھاردواج کو ضمانت کی شرائط طے کرنے کے لیے 8 دسمبر کو خصوصی این آئی اے عدالت میں پیش کرنے کی بھی ہدایت دی تھی۔

این آئی اے نے اب بامبے ہائی کورٹ سے سدھا بھاردواج کو دی گئی ضمانت کے خلاف سپریم کورٹ میں عرضی داخل کی ہے۔اس معاملے میں بامبے ہائی کورٹ نے 8 دیگر ملزمین سدھیر داولے، ڈاکٹر پی وراورا راؤ، رونا ولسن، ایڈوکیٹ سریندر گڈلنگ، پروفیسر شوما سین، مہیش راوت، ورنن گونسالویس اور ارون فریرا کی ضمانت کی درخواستوں کو مسترد کر دیا تھا۔ بنچ نے 4 اگست کو سدھا بھاردواج کی ضمانت کی درخواست پر اور 8 دیگر کی مجرمانہ درخواست پر یکم ستمبر کو فیصلہ محفوظ رکھا تھا۔ ہائی کورٹ نے کہا کہ پونے کی عدالت یو اے پی اے کے تحت نظربندی کی مدت بڑھانے کے قابل نہیں ہے۔ کیونکہ اسے این آئی اے کی خصوصی عدالت کے طور پر مطلع نہیں کیا گیا تھا۔ سودھا بھاردواج کو اگست 2018 میں گرفتار کیا گیا تھا۔

ایک نظر اس پر بھی

بہار میں مہاگٹھ بندھن حکومت کی تشکیل کل، نتیش-تیجسوی دونوں کی ہوگی حلف برداری

بہار میں سیاسی ہلچل اپنے عروج پر ہے۔ وزیر اعلیٰ نتیش کمار نے این ڈی اے سے اتحاد توڑ کر آر جے ڈی کے ساتھ ہاتھ ملا لیا ہے۔ انھوں نے گورنر پھاگو چوہان سے ملاقات کر 164 اراکین اسمبلی کی حمایت پر مبنی خط پیش کر دیا ہے اور حکومت سازی کا دعویٰ بھی کیا ہے۔

نتیش کمار کو آر جے ڈی اور کانگریس سمیت 7 پارٹیوں کی حمایت حاصل، حکومت سازی کا دعویٰ کیا پیش

بہار کی سیاست میں جاری اٹھا پٹخ کے درمیان نتیش کمار نے گورنر پھاگو چوہان سے ملاقات کر ایک بار پھر حکومت سازی کا دعویٰ پیش کر دیا ہے۔ انھوں نے گورنر سے ملاقات کے بعد میڈیا سے بات کرتے ہوئے کہا کہ ’’ہمارے پاس سات پارٹیوں کی حمایت ہے۔

’بھارت چھوڑو تحریک‘ میں آر ایس ایس نے کیا کیا ہوگا؟ جے رام رمیش نے پوچھا سوال

انڈین نیشنل کانگریس 7 ستمبر 2022 سے کنیا کماری سے کشمیر تک ’بھارت جوڑو‘ یاترا شروع کرنے جا رہی ہے۔ ہی اطلاع پارٹی کے جنرل سیکریٹری انچارج شعبہ مواصلات رام رمیش نے فراہم کی۔ انہوں نے کہا، 80 سال قبل آج ہی کے دن مہاتما گاندھی کی قیادت میں انڈین نیشنل کانگریس نے ’بھارت چھوڑو‘ تحریک ...

مہاراشٹر: شندے نے 18 وزرا کے ساتھ کی کابینہ توسیع، بی جے پی اور اپنے دھڑے کے 9-9 لیڈروں کو کیا شامل

مہاراشٹر کے وزیر اعلی ایکناتھ شندے اور نائب وزیر اعلی دیویندر فڈنویس نے منگل کے روز 18 نئے وزرا کے ساتھ اپنی کابینہ میں توسیع کی۔ سابق وزیر اعلیٰ ادھو ٹھاکرے کی قیادت میں اس وقت کی مہا وکاس اگھاڑی حکومت کے خاتمے کے بعد 30 جون کو دونوں نے چارج سنبھالنے کے 40 دن بعد توازن قائم کرنے ...

گجرات: تعزیہ داری کے دوران حادثہ، کرنٹ لگنے سے 2 افراد ہلاک، 10 زخمی

آج ہندوستان ہی نہیں، کئی دیگر ممالک میں بھی عام عاشورہ کے موقع پر تعزیہ داری کا اہتمام کیا جا رہا ہے۔ 8 اگست کو بھی کئی مقامات پر تعزیہ داری ہوئی اور عزاداری کا اہتمام بھی کیا گیا۔ اس دوران گجرات میں اندوہناک حادثہ پیش آیا ہے۔

نوئیڈا میں خاتون سے گالی گلوچ کرنے کا ملزم لیڈر شری کانت تیاگی میرٹھ سے گرفتار

 اتر پردیش کے نوئیڈا میں واقع گرینڈ اومیکس سوسائٹی میں خاتون کے ساتھ بدسلوکی کرنے کے ملزم بی جے پی لیڈر شری کانت تیاگی کو گرفتار کر لیا گیا ہے۔ تیاگی کو گرفتار کرنے کے لئے ایس ٹی ایف کی کئی ٹیمیں تشکیل دی گئی تھیں۔ میڈیا رپورٹ کے مطابق شری کانت تیاگی کو میرٹھ سے گرفتار کیا گیا ...