ناندیڑ اسلحہ ضبطی معاملہ: سات سال جیل کی سلاخوں کے پیچھے گذارنے کے بعد عرفان غوث جیل سے رہا 

Source: S.O. News Service | By Shahid Mukhtesar | Published on 12th July 2019, 9:09 PM | ملکی خبریں |

 ممبئی،12؍جولائی(ایس او نیوز؍پریس ریلیز) دہشت گردی کے الزامات کے تحت گرفتار ناندیڑ کے ایک مسلم نوجوان جس کی سات سال کے بعد ہائی کورٹ سے ضمانت منظور ہوئی تھی کی آج تلوجہ جیل سے رہائی عمل میں آئی جس کے بعد اس نے دفتر جمعیۃ علماء مہاراشٹر (ارشد مدنی)پہنچ کر قانونی امداد کمیٹی کے سربراہ گلزار اعظمی، وکلاء انصار تنبولی و شاہد ندیم سے ملاقات کرکے اس کی ضمانت پر رہائی کے لیئے ہائی کورٹ میں کوشش کرنے پر شکریہ ادا کیا۔

واضح رہے کہ گذشتہ دنوں ممبئی ہائیکورٹ  کی دو رکنی بینچ کے جسٹس اندرجیت مہنتی اور جسٹس اے ایم بدر  نے ملزم عرفان غوث کو پچاس ہزار روپئے کے ذاتی مچلکہ پر مشروط ضمانت پر رہا کیئے جانے کے احکامات جاری کیئے تھے، کاغذی کارروائی مکمل ہونے کے بعد آج ملزم کی تلوجہ جیل سے رہائی عمل میں آئی۔ 

محمد عرفان غوث نے اس کے والد کے ہمرہ گلزار اعظمی سے ملاقات کی اور کہا کہ جمعیۃ علماء نے ایک نہیں بلکہ دو مرتبہ اس کی ضمانت پر رہائی کے لیئے ممبئی ہائی کور ٹ میں کوشش کی جس کے لئے وہ جمعیۃ علماء کے ممنون و مشکور ہیں۔

انہوں نے کہاکہ جمعیۃلیگل سیل کے وکلاء کی ٹیم انتہائی قابل وکلاء پر مشتمل ہے جو انتہائی ذمہ داری سے مقدمات لڑتی ہے جس کا نتیجہ ہمارے سامنے ہے۔

اسی درمیان ملزم محمد عرفان کے والد نے بھی گلزار اعظمی سے گفتگو کی اور کہا کہ اگر جمعیۃ علماء کا تعاون نہیں ہوتا تو آج ان کے لڑکے کی ضمانت پررہائی نصیب نہیں ہوتی کیونکہ سیشن عدالت سے دو مرتبہ ضمانت خارج ہوچکی تھی اور ممبئی ہائی کورٹ نے بھی دو سال قبل ضمانت پر رہا کرنے سے انکار کردیا تھا جس کے بعد وہ مایوس ہوچکے تھے لیکن جمعیۃعلماء کی جدو جہد بالآخیر رنگ لائی۔

انہوں نے کہا کہ اول دن سے جمعیۃ علماء ان کے لڑکے اور دیگر ملزمین کا مقدمہ سیشن عدالت میں لڑ رہی ہے جو آخری مراحل میں ہے نیز انہیں امید ہیکہ سیشن عدالت سے بھی ان کے لڑکے کو مکمل انصاف حاصل ہوگا اور وہ باعزت رہا ہوگا۔

دوران ملاقات گلزار اعظمی نے کہا کہ جمعیۃ علماء پر آپ کے مکمل اعتماد کا ہی نتیجہ ہیکہ آج آپ کا فرزند  سات سالوں کے طویل انتظار کے بعد کھلی فضاؤں میں سانس لے رہا ہے۔ 

انہوں نے مزید کہا کہ ناندیڑ اسلحہ ضبطی معاملہ آخری مراحل میں ہے اور انہیں امید ہیکہ تمام ملزمین باعزت بری ہونگے کیونکہ دفاعی وکلاء ایڈوکیٹ عبدالواہاب خان، ایڈوکیٹ شریف شیخ، ایڈوکیٹ انصار تنبولی، ایڈوکیٹ شاہد ندیم، ایڈوکیٹ ہیتالی سیٹھ، ایڈوکیٹ محمد ارشد و دیگر نے بہت محنت کی ہے۔

آج ایڈوکیٹ شاہد ندیم نے انچارج عدالت سے ملزم  عرفان غوث کے چند دنوں کے لیئے  ممبئی شہر سے باہر جانے کی اجازت طلب کی جسے اس نے یہ کہتے ہوئے منع کردیا کیا ریگولر عدالت سے ملزم کو رجوع کرنا ہوگا کیونکہ ہائی کورٹ کے فیصلہ کی روشنی میں ملزم کو ممبئی سے باہر جانے سے قبل خصوصی این آئی اے عدالت اجازت طلب کرنا ضروری قرار دیا ہے۔لہذا اب ملزم کو پیر کے دن خصوصی این آئی اے عدالت سے اجازت طلب کرنا ہوگی تاکہ وہ ناندیڑ شہر پہنچ کر اس کے اہل خانہ سے ملاقات کرسکے۔

ایک نظر اس پر بھی

مرکزی یا ریاستی حکومت کسی بھی شخص کے کمپیوٹر سے خفیہ طورپر معلومات حاصل کرسکتی ہے۔ پارلیمنٹ میں وزیربرائے داخلی امور کرشنا ریڈی کا جواب

گزشتہ مہینے وہاٹس ایپ کے توسط سے اسرائیلی وائرس ’پیگاسس‘کا استعمال کرنے اور کچھ خاص لوگوں کی نگرانی کرنے اور ان کے موبائل اور کمپیوٹر سے ذاتی معلومات خفیہ طور پر اکٹھا کرنے سے میڈیا میں جو ہنگامہ مچا تھا اس کے بارے میں مرکزی حکومت نے کوئی اقرار یا انکار کرنے کے بجائے مبہم ...

پارلیمنٹ میں گونجا جے این یو طلباء پر ’لاٹھی چارج‘ کا معاملہ، اعلی سطحی تفتیش کا مطالبہ

  کانگریس، ترنمول کانگریس(ٹی ایم سی) اور بہوجن سماج پارٹی (بی ایس پی) نے جواہر لال نہرو یونیورسٹی (جے این یو) کے اسٹوڈنٹس پر دہلی پولس کی لاٹھی چارج کا معاملہ اٹھاتے ہوئے اس کی اعلی سطحی تفتیش کرنے اور یونیورسٹی کی فیس میں اضافہ واپس لینے کی مانگ کی۔ ادھر، جے این یو نے 18 نومبر کو ...

امیر بی جے پی لیڈر غریب ’جے این یو طلبہ‘ کی حمایت کیوں کریں گے: سماج وادی پارٹی

  سماج وادی پارٹی کے رہنما رام گوپال یادو نے فیس میں اضافہ کے خلاف پرامن مظاہرہ کر رہے جواہر لال نہرو یونیورسٹی کے طلبہ پر پیر کے روز پولس لاٹھی چارج کی سخت مذمت کرتے ہوئے کہا کہ ان کی پارٹی طلبہ کے مطالبات کی مکمل حمایت کرتی ہے اور ضرورت پڑنے پر وہ بھی احتجاجی مظاہروں میں شامل ...

ڈیوڈ اٹنبروکو 2019 کا اندرا گاندھی امن انعام

سابق صدر پرنب مکرجی کی سربراہی میں ایک بین الاقوامی جیوری نے نامور دانشوراور براڈکاسٹر سر ڈیوڈ اٹنبرو کو’اندرا گاندھی امن ،ترک اسلحہ اور ترقی‘ ایوارڈ 2019 کیلئے منتخب کیا ہے ۔

کشمیر میں غیر یقینی صورتحال کا 107 واں دن، صحافی، طلبہ اور تاجر ہنوز متاثر

   وادی کشمیر میں 107 دنوں سے جاری غیر یقینی صورتحال اور غیر اعلانیہ ہڑتال کے بعد اگرچہ معمولات زندگی بحالی کی طرف بڑھنے کی رفتار تیز گام ہے لیکن انٹرنیٹ اور ایس ایم ایس خدمات پر مسلسل پابندی کے باعث مختلف شعبہ ہائے حیات سے وابستہ لوگوں بالخصوص صحافیوں، طلبا اور تجار کا کام کاج ...