بنگلورو ،یکم ستمبر(ایس او  نیوز) ریاستی وزیر برائے بلدی انتظا میہ ایم ٹی بی ناگراج نے بیپن ہلی تا ہوسکوٹہ کے درمیان میٹرو ریل سرویس کی توسیع کر نے کی گزارش کرتے ہو ئے مرکزی وزیر برائے شہری ترقیات ہر دیپ سنگھ پوری کو ایک یادواشت پیش کی۔ ناگراج نے اخباری نمائندوں سے بات کر تے ہو ئے کہاکہ بنگلور سے ہو سکوٹہ کے درمیان فاصلہ بہت کم ہو نے کے باوجود مذکورہ دونوں شہروں کے درمیان سفر کرنے کے لئے ایک سے دیڑھ گھنٹہ تک کا وقت درکار ہے اور دونوں شہروں کے درمیا ن ہمیشہ گاڑیوں کی تعداد کافی زیادہ ہوا کرتی ہے،جس کی وجہ سے ٹرافک مسئلہ رہتا ہے۔انہوں نے بتا یا کہ جس طرح نائینڈہلی۔ کینگیری کے درمیا ن میٹرو روٹ کی توسیع کر تے ہوئے سرویس کا آغاز کیا گیاہے اسی طرح بیپنہلی۔ ہو سکوٹہ کے درمیان بھی میٹرو ریل سرویس کی توسیع کرنی چائیے۔ناگراج نے بتا یا کہ ہوسکوٹہ شہر بی بی ایم پی سے صرف10کلو میٹر دور ہے،ہندوستان کا سلکان سٹی ویلی وائٹ فیلڈ اور آئی ٹی پارک بھی ہو سکوٹہ سے بہت قریب ہے،وائٹ فیلڈ اورر اس کے اطراف واکناف سینکڑوں آئی ٹی کمپنیاں،کمرشیل کامپلکس،بڑے کارخانے اور کئی صنعتی علاقہ ہیں جہاں لاکھوں افراد بر سر روزگار ہیں،ان تمام باتوں کو مد نظر رکھ کر بیپن ہلی۔ہوسکوٹہ میٹرو ریل سرویس کو توسیع اشد ضروری ہے۔ ناگراج نے بتا یا کہ ہوسکوٹہ،مالور انڈسٹرئیل ایریا،نندی گڑی اور کو لار ضلع کے صنعتی علاقوں کے لئے گیٹ وے ہے،انہوں نے بتا یا کہ ہوسکوٹہ سے شہر کا بین الا قوامی ہوائی اڈہ بھی قریب ہے یہاں سے ہوائی اڈہ کو راست سڑک کی سہولت بھی موجودہ ہے۔انہوں نے بتا یا کہ شہر میں کام کرنے والے ملاز مین شہر چھوڑ کر مضافات میں قیام کرنا پسند کرتے ہیں،کئی ملاز مین ہوسکوٹہ میں قیام کرتے ہیں اسلئے ہوسکوٹہ میں مکانوں کی کافی مانگ ہو رہی ہے۔ وزیر موصوف نے بتا یا کہ بنگلور اور ہوسکوٹہ کے درمیان جو ٹرافک کا مسئلہ ہے اس کو مستقل طور پر حل کرنا ہو تو میٹرو ریل سرویس کی تو سیع کر تے ہو ئے بیپن ہلی۔ہوسکوٹہ روٹ تعمیر کر ے کی اشد ضرورت ہے انہوں نے وزیر اعلیٰ اور مرکزی وزیر برائے شہرت ترقیات سے گزارش کی کہ وہ اس روٹ کی منظوری کے لئے وزیراعظم نریندر مودی پر دباؤ ڈالیں۔