مودی کی کشتی ڈوب رہی ہے، آر ایس ایس نے بھی ساتھ چھوڑ دیا:مایاوتی

Source: S.O. News Service | By Shahid Mukhtesar | Published on 15th May 2019, 10:27 AM | ملکی خبریں |

لکھنؤ / بلیا،15/مئی (ایس او نیوز/ایجنسی) بہوجن سماج پارٹی کی سربراہ مایاوتی نے منگل کو ایک بار پھر وزیر اعظم نریندر مودی پر ٹویٹ کے ذریعے سخت حملہ کرتے ہوئے کہا کہ ان کی نیا ڈوب رہی ہے اور آر ایس ایس نے بھی ان کا ساتھ چھوڑ دیا ہے۔ بلیا میں ایس پی-بی ایس پی اتحاد کی ایک ریلی سے خطاب کرتے ہوئے کہا کہ 23 مئی سے بی جے پی، وزیر اعظم نریندر مودی اور بی جے پی صدر امیت شاہ کے برے دن شروع ہو جائیں گے۔مایاوتی نے آج اپنے پہلے ٹویٹ میں کہاکہ پی ایم نریندر مودی کی حکومت کانیا ڈوب رہی ہے، اور اس کا جیتا جاگتا ثبوت یہ ہے کہ آر ایس ایس نے بھی ان کا ساتھ چھوڑ دیا اور ان کی وعدہ خلافی کی وجہ سے بھاری عوامی مخالفت کو دیکھتے ہوئے سنگھی خود تھیلے لے کر انتخابات میں کہیں بھی محنت کرتے نظر نہیں آ رہے ہیں، جس سے مودی کے پسینے چھوٹ رہے ہیں۔اب ملک کو آئین کی صحیح فلاحی منشا کے ساتھ چلانے والا خالص پی ایم چاہئے۔عوام نے ایسے بہروپیوں سے بہت دھوکہ کھا لیا ہے اور اب آگے دھوکہ کھانے والی نہیں ہے،ایسا صاف لگتا ہے۔ انہوں نے اپنے تیسرے ٹویٹ میں کہاکہ روڈ شو اور جگہ جگہ پوجاپاٹ ایک نیا انتخابی فیشن بن گیا ہے جس پر بھاری خرچ کیا جاتا ہے۔کمیشن کی طرف سے اس اخراجات کو امیدوار کے اخراجات میں شامل کرنا چاہیے اور اگر کسی پارٹی کی طرف سے امیدوار کی حمایت میں روڈ شو وغیرہ کیا جاتا ہے تو اسے بھی پارٹی کے اخراجات میں شامل کیا جانا چاہئے۔ بی ایس پی سربراہ نے ٹویٹ کرکے کہاکہ ساتھ ساتھ کسی بھی پارٹی کے امیدوار کے انتخابی ضابطہ اخلاق کی خلاف ورزی کے الزام میں انتخابی مہم پر پابندی لگانے کے دوران اگر وہ پوجاپاٹ وغیرہ کرتا ہے اور اسے میڈیا میں بڑے پیمانے پر پروپیگنڈے کیا جاتا ہے تو اس پر بھی روک لگنی چاہیے۔کمیشن اس پر بھی کچھ ضرور اقدامات کرے۔ بتا دیں کہ ’علی-بجرنگ بلی‘ بیان پر الیکشن کمیشن کی پابندی کے درمیان وزیر اعلی یوگی آدتیہ ناتھ لکھنؤ واقع ہنومان پل مندر میں درشن کرنے پہنچے تھے۔

ایک نظر اس پر بھی

دہلی میں ای-گاڑی پالیسی کا اعلان، الیکٹرک گاڑیوں کی خریداری پر رعایت ملے گی

ہلی کی اروند کیجریوال حکومت نے دارالحکومت کو آلودگی سے پاک کرنے کے منصوبے کے تحت جمعہ کے روز ای- گاڑی پالیسی کو نافذ کرنے کا اعلان کیا، جس میں مختلف زمروں کی الیکٹرک گاڑیاں خریدنے کے لئے 30 ہزار سے لے کر 1.5 لاکھ روپے تک رعایت دی جائے گی۔

بے لگام میڈیا پر جمعیۃ کی عرضی: جب تک عدالت حکم نہیں دیتی حکومت خود سے کچھ نہیں کرتی: چیف جسٹس

مسلسل زہر افشانی کرکے اور جھوٹی خبریں چلاکر مسلمانوں کی شبیہ کوداغدار اور ہندوؤں اورمسلمانوں کے درمیان نفرت کی دیوارکھڑی کرنے کی دانستہ سازش کرنے والے ٹی وی چینلوں کے خلاف داخل کی گئی

دہلی فسادات: پروفیسر اپوروانند کی حمایت میں سامنے آئے ملک و بیرون ملک کے دانشوران

 ملک اور بیرون ملک کے ایک ہزار سے زائد معروف دانشوروں، نوکر شاہوں، صحافیوں، مصنفوں، ٹیچروں او اسٹوڈنٹس نے دہلی یونیورسٹی کے پروفیسر اپوروانند سے مشرقی دہلی میں فسادات کے معاملے میں پوچھ گچھ کئے جانے اور انکا موبائل فون ضبط کرنے کے واقعہ کی شدید مذمت کی ہے اور پولیس کے ذریعہ ...

کالعدم چینی کمپنیوں سے بی جے پی کے گہرے رشتے ہیں: کانگریس

 کانگریس نے الزام عائد کیا ہے کہ حکومت نے قومی سلامتی کے لیے خطرہ بتاتے ہوئے جن چینی کمپنیوں پر پابندی لگائی ہے ان میں سے کئی کے بھارتیہ جنتا پارٹی (بی جے پی) سے گہرے رشتے ہیں اور گزشتہ عام انتخابات میں ان کمپنیوں نے اس کے لیے تشہیری مہم کا کام کیا تھا۔