چکبالاپور،10؍ جنوری (ایس او نیوز)تعلقہ کے کئی علاقوں میں پچھلے پندرہ دنوں سے ہورہے زلزلوں کے پیش نظر آج ریاستی وزیر برائے ہیلتھ و ضلع انچارج ڈاکٹرکے سدھاکر نے قریوں کاددورہ کرکے یہاں کے لوگوں کی ہمت افزائی کی۔ پچھلے پندرہ دنوں سے تعلقہ کے بنڈہ ہلی، شٹہلی سمیت کئی قریوں میں مسلسل ہوئے زلزلوں سے عوام میں بے چینی پائی جارہی ہے۔ لوگ ڈر کر راتوں کو گھروں سے باہر ہی سو رہے ہیں۔ان زلزلوں سے کئی عمارتوں کونقصان بھی پہنچا ہے، لوگ خوف زدہ ہیں اور قریوں سے دوسری جگہ منتقل ہونے پر مجبور ہوچکے ہیں۔تعلقہ کے کئی قریوں میں ماہ دسمبر کے آخری دنوں اور ماہ جنوری کی شروعات میں کئی بار زلزلہ کے جھٹکے محسوس کئے گئے تھے۔
اس موقع پر ڈپٹی کمشنر آ رلتا، قدرتی آفات نگرانی سنٹر کے سائنسدان ایس جگدیش اور رمیش کے علاوہ دوسرے بھی موجودتھے۔