وی ایچ پی لیڈر کا گولی مار کر قتل، حملہ آور فرار

Source: S.O. News Service | Published on 9th October 2019, 6:17 PM | ملکی خبریں |

مندسور،9؍اکتوبر(ایس او نیوز؍ایجنسی) وی ایچ پی لیڈر اور کیبل نیٹورک چلانے والے یوراج سنگھ چوہان کا کچھ شر پسند عناصر نے گولی مار کر قتل کر دیا جس کے بعد مدھیہ پردیش کے مندسور میں حالات کافی کشیدہ ہیں۔ میڈیا ذرائع سے موصول ہو رہی خبروں کے مطابق کچھ بدمعاش موٹر سائیکل پر سوار ہو کر آئے تھے جنھوں نے وی ایچ پی لیڈر یوراج پر گولیاں چلا دیں اور موقع سے فرار ہو گئے۔

بتایا جاتا ہے کہ مندسور میں یوراج سنگھ ہندوتوا ذہنیت کے حامل وی ایچ پی لیڈر تھے۔ انھیں ابھینندن نگر ریلوے انڈر پاس کے قریب گولیوں کا نشانہ بنایا گیا۔ یوراج اس وقت ایک ہوٹل کے پاس کھڑے تھے۔ اسی دوران موٹر سائیکل پر 3 نامعلوم حملہ آور آئے اور انھوں نے اندھا دھند فائرنگ شروع کر دی۔ گولی یوراج کے چہرے اور سر میں لگی۔ گولی لگتے ہی یووراج وہیں گر گئے۔ واقعہ کو انجام دینے کے بعد جب بدمعاش بھاگے تو لوگوں کی بھیڑ وہاں جمع ہو گئی۔

قابل ذکر ہے کہ یوراج سنگھ وی ایچ پی میں انتہائی اہم عہدہ پر فائز تھے۔ وہ پیشے سے وکیل تھے اور اپنا ایک کیبل نیٹورک ’ایس آر ایم‘ کے نام سے چلاتے تھے۔ بہر حال، موقع پر موجود لوگوں نے گولی لگنے کے بعد زمین پر گرے یوراج کو فوراً ضلع اسپتال پہنچایا، لیکن ڈاکٹروں نے انھیں مرد ہ قرار دے دیا۔

ایک نظر اس پر بھی

پی ایم مودی کی بھتیجی کے ’پرس‘ کی طرح تلاش کرتے تو میرا بیٹا میرے ساتھ ہوتا، نجیب کی ماں

جواہر لال نہرو یونیورسٹی (جے این یو) کے طالب علم نجیب احمد کے لاپتہ ہونے کے تین سال بعد اس کی والدہ فاطمہ نفیس نے منگل کے روز جنتر منتر پر احتجاج کیا اور وزارت داخلہ سے اپنے بیٹے کی گمشدگی کے حوالہ سے جواب مانگا۔ اس موقع پر یونائیٹڈ اگینسٹ ہیٹ کی جانب سے ایک احتجاجی مارچ کا ...

آگسٹا ویسٹ لینڈ کے ملزم کے خلاف کارروائی پر روک لگانے کے لئے دہلی ہائی کورٹ کے فیصلے کو سپریم کورٹ نے کیا منسوخ

آگسٹا ویسٹ لینڈ کے ملزم گوتم کھیتان کے خلاف کارروائی پر روک لگانے کے لئے دہلی ہائی کورٹ کے فیصلے کو سپریم کورٹ نے منسوخ کر دیا۔سپریم کورٹ نے دوبارہ دہلی ہائی کورٹ سے کھیتان کی عرضی پر سماعت کرنے کو کہا۔دہلی ہائی کورٹ نے کہا تھا کہ کھیتان کا معاملہ 1 اپریل 2016 سے پہلے کا ہے لہٰذا ...

یوپی کی سابق ایم پی اور کانگریس لیڈر راج کماری رتنا سنگھ بی جے پی میں ہوئیں شامل

پرتاپ گڑھ کی سابق ایم پی اور کانگریس لیڈر راج کماری رتنا سنگھ اپنے حامیوں کے ساتھ بھارتیہ جنتا پارٹی (بی جے پی) میں شامل ہو گئیں ہیں۔رتناسنگھ نے وزیر اعلی یوگی آدتیہ ناتھ کی موجودگی میں بی جے پی کی رکنیت حاصل کی۔بتا دیں کہ پرتاپ گڑھ کے گڑوارا میں منگل کو وزیر اعلی یوگی آدتیہ ...

یوپی: دو سال کی بچی سے عصمت دری، ملزم گرفتار

شہر کے تھانہ سی بی گنج علاقے کے ایک گاؤں میں دو سال کی بچی کے ساتھ پڑوسی نے مبینہ طور پر عصمت دری کی۔پولیس نے ملزم کو گرفتار کر لیا ہے۔سینئر پولیس سپرنٹنڈنٹ شیلندر پانڈے نے منگل کو بتایا کہ گاؤں کے رہائشی ایک شخص کی دو سالہ بیٹی پیر کی شام گھر کے باہر کھیل رہی تھی۔

بندیل کھنڈ: پہلے سوکھا اور اب بے موسم کی بارش سے پریشان کسان کررہے ہیں خودکشی

پہلے سوکھا اور اب زیادہ بارش کی وجہ سے بندیل کھنڈ کے کسان خودکشی کر رہے ہیں۔کئی سال سے بندیل کھنڈ میں پڑ رہے سوکھے کی وجہ سے کسان خودکشی کر رہے تھے، لیکن اس سال بے موسم بارش کی وجہ سے بندیل کھنڈ میں خریف کی فصل برباد ہوگئی۔جس سے کسانوں میں زبردست مایوسی ہے۔

مدھیہ پردیش: آبکاری افسر کے ٹھکانوں پر لوک آیکت کے چھاپے، کروڑوں کی جائیداد کا انکشاف

مدھیہ پردیش کے اندور میں آبکاری محکمہ کے اسسٹنٹ کمشنر آلوک کھرے کے کئی ٹھکانوں پر منگل کو لوک آیکت کی ٹیم نے چھاپہ ماری کی۔ابتدائی تحقیقات میں ہی دو مقامات پر 57 ایکڑ کے فارم ہاؤس سمیت کروڑوں کی جائیداد کا انکشاف ہوا ہے۔ٹیم مزید تفتیش میں لگی ہوئی ہے۔لوک آیکت کے ذرائع سے ملی ...