کووڈ-19: 40 ہزار کی دوا ایک لاکھ میں کر رہا تھا فروخت، ہوا گرفتار

Source: S.O. News Service | Published on 5th August 2020, 11:42 AM | ملکی خبریں |

ممبئی،5؍اگست (ایس او نیوز؍ایجنسی)  کورونا وائرس کے باعث ہونے والی بیماری کووڈ-19 سے اس وقت ساری دنیا جوجھ رہی ہے اور اب تک ناقابل علاج مانی جانے والی اس بیماری کے علاج سے متعلق جب بھی کوئی دوا، انجکشن یا ایلوپیتھی طریقے علاج کے علاوہ دیگر یونانی، ایوروید یا ہومیوپیتھی وغیرہ طریقے علاج کا کوئی نسخہ، جوشاندہ یا کاڑھا وغیرہ سامنے آتا ہے تو ضرورتمند فوری اس کی طرف لپکتے ہیں، اور اسے حاصل کر کے استعمال کر رہے ہیں۔

ایسے موقوں پر بعض مفاد پرست او مجرمانہ ذہنیت رکھنے والے عوام کے اسی خوف اور ضرورت کا ناجائز فائدہ اٹھانے سے نہیں چوک رہے ہیں۔ ممبئی پولس اور ایف ڈی اے نے ایک ایسے ہی شاطر کو گرفتار کرنے میں کامیابی حاصل کی ہے جو ٹوکلیزوماب (Remdesivir) نامی دوا جس کی قیمت 40 ہزار ہے اسے ایک لاکھ میں فروخت کر رہا تھا۔

تفصیلات کے مطابق ایک خفیہ اطلاع پر ایف ڈی اے اور پولیس نے مشترکہ طور پر ایک جال بچھا کر اعصام نصیرخان نامی ایک شخص کو جو کاشی پور اتراکھنڈ کا رہائشی ہے، گرفتار کرلیا۔ یہ شخص ٹوکلیزوماب (Remdesivir) نامی دوا کو ایک لاکھ روپے میں فروخت کررہا تھا۔

جس کی اصل قیمت (ایم آر پی) 40000 روپے ہے، اس کے قبضہ سے پولس نے اس دوا کی 15 شیشیاں بھی ضبط کی ہیں۔ ابتدائی تفتیش میں یہ بات سامنے آئی ہے کہ وہ یہ انجیکشن دہلی کے بازار سے لے کر آتا تھا۔ یہ کارروائی ایف ڈی اے ڈرگ انسپکٹر ناندیکر اور ڈی آئی راٹھود نے کرائم برانچ باندرہ یونٹ 9 کے ساتھ باندرہ میں انجام دی ہے۔ مذکورہ بالا شخص کو گرفتار کر کے اس کے خلاف. ایف آئی آر باندرہ پولیس اسٹیشن میں درج کیا گیا ہے۔

واضح رہے کہ ٹوکلیزوماب اور ریمڈیسیویر ( Tocilizumab and Remdesivir) نامی دو دواؤں کی بہت زیادہ مانگ ہے، حالانکہ یہ دوائیں کووڈ ۔19 کے علاج معالجے کے طور پر ابھی تک آزمائش اور جانچ کے مرحلے میں ہیں۔ ان کی افادیت سے متعلق سائنسی ثبوتوں کا انتظار کیا جا ریا ہے۔ نیز ڈاکٹر صرف شدید متاثرہ مریضوں کو ہی اس کے استعمال کا مشورہ دیتے ہیں۔

ایک نظر اس پر بھی

الطاف بخاری کا راجوری کے تین متاثرہ کنبوں کو معقول معاوضہ و نوکریاں فراہم کرنے کا مطالبہ

اپنی پارٹی کے صدر سید محمد الطاف بخاری نے کہا ہے کہ پولیس کی فارنسک رپورٹ میں امشی پورہ شوپیاں انکاؤنٹر میں ہلاک ہونے والے راجوری ضلع کے 3 مقتول مزدوروں کی شناخت کی تصدیق سے قانون کے تحت سزا یقینی ہے

کشمیر: شوپیاں فرضی تصادم کے ملوثین کو عملی طور پر سزا دی جائے، عمر عبداللہ کا مطالبہ

 نیشنل کانفرنس کے نائب صدر اور سابق وزیر اعلیٰ عمر عبداللہ نے شوپیاں مبینہ فرضی تصادم میں مارے جانے والے راجوری کے تین مزدوروں کی بارہمولہ میں دفن کی جانے والی لاشوں کو لواحقین کے سپرد کرنے کا مطالبہ کیا ہے۔

بہار کے سابق ڈی جی پی گپتیشور پانڈے کی نتیش سے ملاقات

 بہار کے ڈائریکٹر جنرل پولیس (ڈی جی پی) کے عہدے سے رضاکارانہ طور پر ریٹائرمنٹ (وی آر ایس) لینے کے بعد سیاست کی جانب گامزن ہونے والے گپتیشور پانڈے نے ہفتے کے روز جنتا دل یونائٹیڈ (جے ڈی یو) کے قومی صدر اور بہار کے وزیر اعلی نتیش کمار سے ملاقات کی۔