نئی دہلی ، 25؍نومبر(ایس او نیوز؍یواین آئی) 30منٹ تک وزیر اعظم نریندر مودی سے آج شام ملاقات کے بعد وزیر اعلیٰ ممتا بنرجی نے پریس سے کہا ہے کہ انہوں نے وزیراعظم سے بی ایس ایف،تریپورہ اور بنگال گلوبل بزنس سمٹ کے تعلق سے بات کی ممتا بنرجی نے وزیراعظم سے کہا کہ بی ایس ایف کے خلاف نہیں ہیں،مگر لا اینڈ آرڈر ریاست کے دائرہ اختیار میں ہے اگر بی ایس ایف کو مدد کی ضرورت ہے تو ہم مدد کریں گے مگر بی ایس ایف کے دائرہ اختیار میں اضافہ نہیں کیا جائے ممتا بنرجی نے سونیاگاندھی سے ملاقات کے سوال پر کچھ بھی کہنے سے گریز کرتے ہوئے کہا کہ ہمیں اپنی پارٹی کو توسیع دینے کا اختیار ہے اور جولوگ آرہے ہیں ہم ان کاخیر مقدم کرتے ہیں انہوں نے سبرامنیم سوامی سے ملاقات کے سوال پر کہا کہ اس میں کوئی برائی نہیں ہے کیاان سے ملاقات کرنا غلط ہے ممتا بنرجی نے کہا کہ وہ 30نومبر کو ممبئی جارہی ہیں جہاں ایک بزنس سمٹ میں شرکت کریں گی اور این سی پی سربراہ شرد پوار سے بھی ملاقات کریں گی - انہوں نے بنارس جانے کا بھی اعلان کیا ہے انہوں نے کہا کہ اگر ضرورت پڑی تو وہ دیگر علاقائی جماعتوں کے ساتھ اتحاد بھی کرسکتی ہیں انہوں نے کہاکہ ریاست اور مرکز کے درمیان تعلقات کو بہتر بنانے کیلئے اگلے سال20/ اپریل میں ہونے والے بنگال گلوبل بزنس سمٹ کے افتتاح کیلئے وزیر اعظم نریندر مودی کو دعوت دی ہے ممتا بنرجی نے کہا کہ وزیر اعظم مودی نے دعوت قبول کرلی ہے -