مہاراشٹر اسمبلی الیکشن:بی جے پی نے جاری کیا منشور، ساورکر کو ’بھارت رتن‘دلانے کا کیا وعدہ
نئی دہلی،15/اکتوبر(آئی این ایس انڈیا) بی جے پی کے قومی ایگزیکٹو چیئرمین جے پی نڈا اور وزیر اعلی دیویندر فڑنویس نے منگل کو مہاراشٹر اسمبلی انتخابات کے لئے منشورجاری کیا۔بھارتیہ جنتا پارٹی کے منشور میں مہاتما جیوتبا پھلے، ساوتری بائی پھلے اور ویر ساورکر کو ’بھارت رتن‘ایوارڈ دینے کی پارٹی کا مطالبہ ہے۔اس دوران جے پی نڈا نے کہاکہ دیویندر فڑنویس نے مہاراشٹر کی سیاسی ثقافت میں اصل تبدیلی کی ہے۔پانچ سال پہلے مہاراشٹر ایک بدعنوانی میں مبتلا صوبہ تھا۔آج دیویندر فڑنویس کی قیادت میں مہاراشٹر بدعنوانی سے آزاد صوبہ بن گیا ہے۔جے پی نڈا نے منشور جاری کرتے وقت اس کے اہم باتوں پر غور کیا۔انہوں نے کہاکہ آنے والے 5 سالوں میں مہاراشٹر کو خشک سالی سے آزاد کریں گے۔مغرب سے بہنے والی ندیوں کے پانی کو گوداوری کی وادی سے رکواکر مراٹھواڑا اور شمالی مہاراشٹر کے خشک زدہ علاقوں میں پہنچائیں گے۔مراٹھواڑا واٹر گرڈ مہتوکاکشی منصوبہ بندی کے ذریعے 11 ڈیموں کو آپس میں جوڑ کر کل مراٹھواڑا کو پائپ لائن سے سپلائی کریں گے۔ کرشنا کوینا و دیگر ندیوں میں سیلاب کی وجہ سے بہہ جانے والے اضافی پانی کو مغربی مہاراشٹر کے مستقل خشک زدہ علاقے میں لے کر جائیں گے۔ آنے والے 5 سال زراعت میں لگنے والی بجلی کو شمسی توانائی پر مبنی کسانوں کو دن میں 12 گھنٹے سے زیادہ بجلی پہنچانے کو یقینی بنائیں گے۔آنے والے پانچ سالوں میں 1 کروڑ ملازمتوں کی انتظام کریں گے۔ایک کروڑ خاندانوں کو خواتین بچت گروپ سے جوڑ کر روزگار کے خصوصی موقع فراہم کرائیں گے۔2022 تک ہر گھر کو پینے کا صاف پانی فراہم کرائیں گے۔بنیادی سہولیات کے لئے مرکزی حکومت کے تعاون سے 5 لاکھ کروڑ روپے کی سرمایہ کاری کریں گے۔بی جے پی کے قومی ایگزیکٹو چیئرمین جے پی نڈا نے کہاکہ ریاست کی تمام سڑکوں کی مستقل مرمت اور دیکھ بھال کے لئے آزاد نظام کی تعمیر کریں گے۔وزیر اعلی گرام سڑک کی منصوبہ بندی کے ذریعے تمام بستیوں کو 12 ماہ چلنے والی سڑکوں سے جوڑیں گے۔ گرام سڑک منصوبہ کے دوسرے مرحلے کے ذریعے 30 ہزار کلومیٹر کی دیہی سڑکیں بنائیں گے۔