میسورو: محبت کی راہ میں ملازمت رکاوٹ بن گئی ، نوکری نہ ملنے سے دلبرداشتہ دوپریمی پھانسی کے پھندے سے لٹک گئے
میسورو،7؍دسمبر(ایس او نیوز) دو پیار کرنے والوں کی زندگی کے درمیان نوکری رکاوٹ بن گئی۔نوکری نہ ملنے سے دلبرداشتہ چامراج نگرضلع کے گنڈل پیٹ تعلقہ کے بوملاپورگرام کے رہنے والے پریمیوں نے میسورمیں انتہائی قدم اٹھاتے ہوئے خودکشی کرلی۔اپنے آپ کوہلاکت میں ڈالنے والے پریمیوں کی شناخت ستیش اورورلکشمی کے طور پر کی گئی ہے۔دونوں چاربرسوں سے پیارکے بندھن میں بندھے ہوئے تھے،ستیش بی کام مکمل کرنے کے بعد پولیس نوکری کیلئے عرضی ڈالاہواتھا،جبکہ ورلکشمی ایک پرائیویٹ اسپتال میں نرسنگ کورس کررہی تھی۔پہلے ورلکشمی کے والدین نے دونوں کی شادی میں رکاوٹ کھڑی کی بعدمیں ورلکشمی کے والدنے ستیش کے سامنے یہ شرط رکھی کہ جب تک سرکاری نوکری نہیں مل جاتی تب میری بیٹی کی شادی نہیں کرتا،باپ نے بیٹی سے شادی کیلئے گورنمنٹ کی نوکر ی لازمی قراردی۔اس کے مطابق ستیش سرکاری نوکری کی تلاش میں سرگرداں رہا۔بعدمیں سرکاری نوکری نہ ملنے سے وہ ناامیدہوگیا۔ پولیس ذرائع نے کہاکہ دونوں پریمیوں نے میسوروکے ایک لاڈج میں قیام کیا اور وہاں سے ستیش نے اپنے والدین کوفون کرتے ہوئے کہاکہ کورونابیماری سے چوکنارہیں بعدازا ں دونوں پھانسی کے پھندے سے لٹک گئے۔اس سلسلہ میں ایک معاملہ میسوروپولیس تھانہ میں درج کرلیاگیا ہے۔