لوک سبھا انتخابات کیلئے تمام تیاریاں کرلی گئی ہیں، بنگلورو شہر میں 8514پولنگ بوتھس قائم

Source: S.O. News Service | By Shahid Mukhtesar | Published on 14th April 2019, 11:24 AM | ریاستی خبریں |

بنگلورو،14؍اپریل (ایس او  نیوز) بنگلور شہری ضلع کے انتخابی افسر و بروہت بنگلور مہا نگر پالیکے ( بی بی ایم پی ) کمشنر منجوناتھ پرساد نے کہا کہ بنگلور ساؤتھ ، نارتھ اور سنٹرل پارلیمانی حلقوں میں انتخابات کے لئے تمام تیاریاں مکمل کرلی گئی ہیں ۔ انہوں نے بتایا کہ مذکورہ تینوں حلقوں کیلئے 8514پولنگ بوتھس کیلئے 42ہزار ملازمین کو مقرر کیا گیا ہے۔انہوں نے بی بی ایم پی صدر دفتر میں اخباری کانفرنس کے دوران بتایا کہ بی بی ایم پی کی حدود میں آنے والے مذکورہ تینوں لوک سبھا حلقوں میں 18؍اپریل کو صبح7بجے سے شام 6بجے تک پولنگ ہوگی ۔ انہوں نے بتایا کہ بنگلور نارتھ حلقہ میں 31، سنٹرل میں 22اور ساؤتھ میں 25امیدوارمیدان میں ہیں ۔ پولنگ بوتھ سے 100میٹر کے فاصلہ کی دوری تک ووٹ طلب کرنے پر پابندی رہے گی ۔ امیدوار پولنگ کے دن 200میٹر کی دوری پر ایک ٹیبل اور 2کرسی رکھ سکتے ہیں ، پنڈال ڈالنے کی اجازت نہیں رہے گی ۔ انہوں نے ووٹرس سے کہا کہ وہ پولنگ کیلئے ووٹرشناختی کارڈ، ڈرائیونگ لائسنس ( ڈی ایل) آدھار کارڈ کے علاوہ انتخابی کمیشن نے چند دستاویزات کی نشاندہی کی ہے وہ اپنے ساتھ ضرور لائیں ۔انہوں نے کہا کہ پہلے موبائل فون کو پولنگ بوتھ کے اندر لے جانے کی اجازت تھی مگر اب موبائل فون ساتھ لاتے ہیں تو پولنگ بوتھ سے 100میٹر کی دوری پر ہی رکھ کر آنا پڑے گا۔منجوناتھ پرساد نے بتایا کہ مذکورہ تینوں حلقوں میں کتنے معذور ووٹرس ہیں اس کی ایک فہرست تیار کرلی گئی ہے۔ اور ان کے فون نمبر بھی حاصل کرلئے گئے ہیں۔ انہوں نے بتایا کہ انتخابی کمیشن کی جانب سے اولا، اوبر کے ساتھ بات چیت کرکے 350اولا اور 40خصوصی اوبیر گاڑیاں حاصل کی گئی ہیں ، جو معذور ووٹرس کو پولنگ بوتھ لانے اور لے جانے کیلئے استعمال میں لائی جائیں گی۔ انہوں نے بتایا کہ انتخابات کی سرگرمیاں ختم ہونے سے 48گھنٹے قبل دفعہ144نافذ کیا جائے گا ۔ 8514پولنگ بوتھس میں 1600کو حساس بوتھس کے طو رپرنشاندہی کیا گیا ہے ۔ انہوں نے کہا کہ پولنگ بوتھس پر خفیہ کیمرے نصب کئے گئے ہیں ۔ اور پولیس کا بھی سخت بندوبست کیا گیا ہے ۔ منجوناتھ پرساد نے بتایا کہ بنگلور نارتھ میں 4050،بنگلو ر ساؤتھ میں 1165اور بنگلور سنٹرل میں 412جملہ 5627معذوروں کی نشاندہی کی گئی ہے ۔ ان تمام کو کیاب کی سہولت مہیا کی جائے گی ۔17؍ اپریل کی رات ہی معذور کے موبائل پر کار نمبر ،ڈرائیور کے نام سے متعلق پیغام روانہ کیا جائے گا۔ وجئے شنکر نے بتایا کہ ریاست میں دو مرحلوں میں انتخابات کروائے جارہے ہیں ۔ بنگلور شہری ضلع کے تینوں پارلیمانی حلقوں کے ووٹنگ مشین اور وی وی پیاٹ پولیس کی سخت نگرانی میں رکھے گئے ہیں ۔

ایک نظر اس پر بھی

کاسرگوڈ میں جانور لے جانے کے الزام میں دو لوگوں پر حملہ؛ بجرنگ دل کارکنوں کے خلاف معاملات درج کرنے پر مینگلور کے قریب وٹلا اور بنٹوال میں بسوں پر پتھراو

پڑوسی ریاست کیرالہ کے  کاسرگوڈ میں جانور لے جانے کے الزام میں دو لوگوں پر حملہ اور لوٹ مار کی وارداتوں کے بعد پولس نے جب  بجرنگ دل کارکنوں کے خلاف معاملات درج کئے  تو  مینگلور کے قریب  وٹلا اور بنٹوال  میں  بسوں پر پتھراو اور توڑ پھوڑ کی واردات پیش آئی ہے۔ پتھراو میں   نو ...