کولار میں دو پہیہ والی گاڑیوں پر بے کار گھومنے والوں کی خیر نہیں، ضروری اشیا کیلئے بھی پیدل جانے کا حکم
کولار، 11؍ مئی (ایس او نیوز) 10؍ مئی کے نئے لاک ڈاؤن سے پولیس کو ریاستی حکومت کی جانب سے سخت ہدایت دی جاچکی ہے ، ان پر عمل کرنا پولیس کا کام ہے، اب پولیس اس پر توجہ دیتے ہوئے صبح 7 بجے سے ہی موٹر سائیکل سواروں پر ظلم کررہی ہے اور ہر بے کار گھومنے والے کی گاڑی کو پکڑ کر سیدھے پولیس تھانہ پہنچارہی ہے اور وہاں کسی پر جرمانہ عائد کیا جارہاہے تو کسی کو لاک ڈاؤن ختم ہونے کے بعد ہی اپنی گاڑیاں دینے کی بات کہتے ہوئے واپس روانہ کررہی ہے۔
شہر کے امور پر پیٹ سرکل، کالج سرکل، ظہیر الدین مکی سرکل اور دیگر علاقوں میں دو پہیہ والی گاڑیوں میں جانے والوں کو پکڑ کر پوچھ تاچھ کرتے ہوئے روانہ کیا گیا، کوئی بے کار گھوم رہا ہے تو اس کی موٹر سائیکل چھین کر اس علاقے کے پولیس تھانے کو روانہ کر دی گئی اور انہیں لا ک ڈاؤن ختم ہونے تک وہاں پولیس تھانہ نہ آنے کی ہدایت دیتے ہوئے روانہ کردیا گیا اور کسی لیڈر کے فون کالس بھی نہیں اُٹھائے ۔
پولیس انسپکٹرس نے بتایا کہ جب کوئی غلط حرکت کرتے ہوئے بے کار گومتا ہے اس کی سفارش لیکر کوئی لیڈر فون نہ کریں ، کئی مقامات پر پولیس نے لاٹھی چلائی تا کہ کوئی بے کار بازاروں میں نہ گھومے۔ شہر کے مین راستوں کی ناکہ بندی کردی گئی ہے۔
ایس پی نے پولیس اہلکاروں کو حکم جاری کرتے ہوئے بتایا کہ ضروری اشیاء لے جانے والوں کے سوا کسی کو راستوں میں پیدل تک چلنے نہیں دیا جائے۔ صرف صبح 6 بجے سے 10 بجے تک راشن اور دیگر اشیاء ضروری کیلئے چھوڑا جائے۔ 10 بجے کے بعد گھومنے والی گاڑیوں کو ہرگز نہ چھوڑا جائے، ان پر کارروائی کی جائے ورنہ یہ وبا میں کمی نہیں آئے گی۔
اموار پیٹ سرکل ، گل پیٹ پولیس تھانے کی حدود میں آتا ہے اس تھانے کی سب انسپکٹر ویداوتی اور دیگر پولیس اہلکاروں نے بے کار گھومنے والوں پر سخت کارروائی کی۔ کالج سرکل، ٹاؤن پولیس تھانے کی حدود میں آتا ہے وہاں سب انسپکٹرانیا نے بے کار گھومنے والی 21 زائد موٹر سائیکل سواروں کو گرفتار کیا اور ان کی گاڑیاں چھین کر پولیس تھانہ پہنچا یا تا کہ بے کار گومنے والے نوجوان کی تعداد سڑکوں پر کم ہو ۔
