اتراکھنڈ میں کیجریوال نے کی وعدوں کی بوچھاڑ، 6 مہینے میں ایک لاکھ نوکریاں، 5 ہزار روپے مہینہ بیروزگاری بھتہ

Source: S.O. News Service | Published on 20th September 2021, 12:23 AM | ملکی خبریں |

دہرہ دون،20؍ستمبر(ایس او نیوز؍ایجنسی) دہلی کے وزیر اعلیٰ اور عام آدمی پارٹی کے کنوینر اروند کیجریوال نے اتوار کے روز ہلدوانی کا انتخابی دورہ کیا اور اتراکھنڈ کے عوام سے بے شمار وعدے کئے۔ اس دوران کیجریوال نے کہا کہ اگر ریاست میں عام آدمی پارٹی کی حکومت بنی تو ہر گھر میں روزگار کو یقینی بنائیں گے۔ حکومت قائم ہونے کے 6 مہینے کے اندر ایک لاکھ نوکریاں دی جائیں گی۔ روزگار ملنے تک ہر مہینے 5 ہزار روپے کا بھتہ دیا جائے گا۔ نوکریوں میں اتراکھنڈ کے باشندگان کو 80 فیصد ریزرویشن دیا جائے گا۔

ہلدوانی میں پریس کانفرنس سے خطاب کرتے ہوئے وزیر اعلیٰ کیجریوال نے کہا کہ اتراکھنڈ کے قیام کو 21 سال ہو چکے ہیں اور ان 21 سالوں میں سیاسی جماعتوں نے اتراکھنڈ کا براحال کرنے میں کوئی کسر باقی نہیں رکھی۔ پہاڑ، جنگل سب لوٹ لئے۔ گزشتہ کچھ دنوں اور مہینوں سے 21 سالوں کی ابتر حالات کو 21 مہینوں میں ٹھیک کرنے کا منصوبہ بنا رہے ہیں۔

انہوں نے کہا اتراکھنڈ کے لوگوں کے ساتھ مل کر انہوں نے کئی منصوبے بنائے ہیں۔ پہلا منصوبہ بجلی کے حوالہ سے ہے۔ جیسے ہم نے دہلی میں کر دکھایا کہ تقریباً 73 فیصد لوگوں کو مفت بجلی مل رہی ہے۔ ایسے ہی اتراکھنڈ میں 24 گھنٹے 300 یونٹ بجلی مفت فراہم کریں گے۔

کیجریوال نے کہا، ’’آج دیو بھومی میں نوجوانوں کے درد کے بارے میں بات کرنے آیا ہوں۔ اتراکھنڈ کے نوجوان کو جب بھی موقع ملا اس نے غضب کا کام کرکے دکھایا، لیکن گزشتہ 24 سالوں میں انہوں نے اتراکھنڈ کا برا حال کر دیا ویسا ہی برا حال نوجوانوں کا ہے۔ آج اتراکھنڈ کے نوجوانوں کا سب سے بڑا مسئلہ نقل مکانی ہے۔

انہوں نے کہا کہ ’’آج اتراکھنڈ کے نوجوان بہت زیادہ دکھی ہیں۔ ہر نوجوان کو روزگار چاہیے، وہ بھیک نہیں مانگ رہے بلکہ یہ ان کا حق ہے۔ اگر آپ بی جے پی کو ووٹ دیں گے تو ہر مہینے ایک نیا وزیر اعلیٰ ملے گا جبکہ اگر آپ عام آدمی پارٹی کو ووٹ دیں گے تو 5 سال کے لئے مستقل وزیر اعلیٰ ملے گا، جو آپ کے بچوں کو روزگار فراہم کرے گا۔‘‘

ایک نظر اس پر بھی

مدھیہ پردیش: عید میلادالنبی پر کئی اضلاع میں ہنگامہ، دھار کے بعد جبل پور اور بڑوانی میں حالات کشیدہ

مدھیہ پردیش میں منگل کو عید میلاد النبی کے موقع پر کئی اضلاع میں خوب ہنگامہ ہوا۔ اس دوران کئی مقامات پر شرپسندوں نے پتھراؤ بھی کیا جس میں متعدد لوگ زخمی ہو گئے۔ جبل پور، دھار اور بڑوانی میں تو فرقہ وارانہ خیر سگالی کو بگاڑنے کی کوششیں بھی ہوئیں۔ ریاست میں کورونا وبا کے سبب ...

پرینکا گاندھی کے اعلان نے سیاسی جماعتوں کی نیند اڑائی

کا کانگریس کی جنرل سکریٹری پرینکا گاندھی کے اترپردیش اسمبلی انتخابات میں چالیس فیصد خواتین امیدواروں کو ٹکٹ دینے کا اعلان کرنے سے بیشتر سیاسی جماعتوں کے سامنے ایک نیا چیلنج کھڑا ہوگیا ہے اور پرینکا کے اس اعلان نے ان کی نیند اڑا دی ہے۔ بھارتیہ جنتا پارٹی (بی جے پی) سمیت بیشتر ...

این آر آئی اکائونٹ سے غیر قانونی طور پر 6 کروڑ نکالنے کی کوشش، ایچ ڈی ایف سی بینک کے 3 ملازمین سمیت 12 افراد گرفتار

دہلی پولیس کے اسپیشل سیل کے سائبر کرائم یونٹ نے ایک این آر آئی کے ہائی ویلیو بینک اکاؤنٹ سے غیر قانونی طور پرانٹرنیٹ بینکنگ کے ذریعہ ہیکنگ کرکے رقم نکالنے والے جعلسازوں کے ریکیٹ کا پردہ فاش کیا ہے۔

شاہ رُخ خان کے بیٹے آرین خان کی حمایت میں شیوسینالیڈرپہنچے سپریم کورٹ

بالی ووڈ کے سپر اسٹار شاہ رخ خان کے بیٹے سے وابستہ کروز ڈگرس پارٹی کا معاملہ سپریم کورٹ تک پہنچ گیا ہے۔ شیو سینا کے لیڈر کشور تیواری نے سپریم کورٹ میں درخواست پیش کرتے ہوئے آرین خان اور دیگر ملزمان کے بنیادی حقوق کا حوالہ پیش کیا ہے۔