بنگلورو،14؍جولائی (ایس او نیوز) کرناٹک میں کورونا وائرس کا قہر رکنے کا نام نہیں لے رہا ہے۔ گزشتہ24 گھنٹوں کے دوران ریاست میں مزید 2738 معاملے سامنے آئے جس کے ساتھ ہی کرناٹک میں اس مہلک وائرس کی زد میں آنے والوں کی تعداد41581 ہوچکی ہے۔ ریاست بھر میں 73 لوگوں کی پچھلے ایک دن میں موت ہوئی ہے جس کے نتیجے میں اب تک مرنے والوں کی تعداد 757 تک جا پہنچی ہے۔

محکمہ صحت و خاندانی بہبود کی طرف سے جاری اعداد و شمار کے مطابق شہر بنگلورو میں سب سے زیادہ متاثرین سامنے آئے ہیں شہر میں مزید 47 لوگوں کی موت ہوئی ہے۔ میسورو میں 6، دھارواڑ میں5، شیموگہ میں 3، باگل کوٹ، بیلگاوی اور کورگ میں 2،2 شمالی کینرا، ہاویری، ہاسن، گدگ، ٹمکورو، داونگیرے میں 1،1 کی موت واقع ہوئی ہے۔

بنگلورو میں کورونا وائرس کے 1315 نئے معاملے سامنے آئے ہیں۔ یادگیر میں 162، میسورو151، دکشن کنڑا131، بیلاری106،کلبرگی89، وجئے پور86، شیموگہ74، دھارواڑ71، اُڈپی53، ٹمکورو48، رائچور45، داونگیرے45، چکبالاپور42، شمالی کینرا37،کوپل31، منڈیا30، کورگ29، بیلگاوی27، ہاسن25، بیدر23، بنگلورو رورل21، کولار21، چکمگلورو10،چامراج نگر9، چترادرگہ8، گدگ6 اور ہاویری سے 6 کیس سامنے آئے ہیں۔

ریاست کے 41581 کیسوں میں سے 16248 مکمل طور پر صحت یاب ہوچکے ہیں پیر کے روز ایک ہی دن 839 افراد صحت یاب ہوئے ۔ اب بھی 24572 افراد ریاست کے مختلف اسپتالوں میں زیر علاج ہیں۔