کرناٹک میں لاک ڈاؤن ضروری نہیں، نائٹ کرفیو کے اوقات میں تبدیلی نہیں، دفعہ 144 نافذ کریں؛ ریاستی حکومت کو اپوزیشن کے مشورے
بنگلورو، 20؍اپریل (ایس او نیوز) بنگلورو میں کووڈ۔ 19 معاملات تیزی سے بڑھنے کے سبب وزیر اعلیٰ یڈیورپا، بنگلورو کے وزراء، اراکین پارلیمان اور اراکین اسمبلی کے ساتھ ویڈیو کانفرنس منعقد کی گئی۔ جس میں حکومت کو مشورہ دیا گیا کہ لاک ڈاؤن نافذ نہ کر یں ،اسپتالوں میں کووڈ بستروں کی قلت دور کریں۔مہلوکین کی آخری رسومات کے انتظامات کریں، آکسیجن کی قلت دور کر یں ، لاک ڈاؤن کے بجائے دفعہ 144 نافذ کر کے امتناعی احکامات سختی سے نافذکر یں ۔
رکن اسمبلی رام لنگاریڈی نے کہا کہ یہ معلوم نہیں کہ حکومت کیا کرنا چاہتی ہے، اس کے جواب میں وزیر آراشوک نے کہا کہ اپوزیشن کے مشورے حاصل کر کے حکومت معقول فیصلہ کرے گی۔ رام لنگاریڈی نے کہا کہ حکومت کے ساتھ ان کا بھر پور تعاون ہے۔راشن ہو یا دوائیاں منصفانہ طور پر تقسیم کر یں۔ریاست میں ایک طرف اسپتالوں میں علاج کے لئے بستر ہیں ، دوسری طرف آئی سی یو میں جگہ نہیں،میڈیکل آکسیجن کا ذخیر نہیں، یہ تمام بھیا نک صورتحال پیدا ہوئی ہے،عوام کے مفاد میں بنگلورو شہر میں کم از کم 25000 کوڈ بستر کا انتظام کیا جائے ۔ ہوم آئیسولیشن والے افراد راستوں میں گھوم رہے ہیں، لاک ڈاؤن سے بھی بہتر رہے گا کہ ہجوم کو جمع ہونے نہ دیں اور امتناعیاحکامات نافذ کرنے کے لئے دفعہ 144 لگائی جائے ۔کلیان منٹپ ، کمیونٹی سنٹر ، شادی محلوں مارکیٹوں میں ہجوم روکنے کے لئے نائٹ کر فیو کے اوقات میں تبدیلی کی ضرورت نہیں، جونپڑ پٹی علاقوں میں ویکسین اندازی کی مہم تیز کی جائے ، بی بی ایم پی والے کوڈ 19پازیٹیو ہونے والے شدید طور پر متاثر افراد کو بی یونمبر دینے میں تاخیر کر رہے ہیں۔
اس میٹنگ میں وزیر اعلیٰ یڈیور پانے منی پال اسپتال ہی سے ویڈیو کانفرنس کے ذریعہ شرکت کی تھی ،اراکین کے مشورے لینے کے بعد انہوں نے منگل کو وزیروں اور اپنی پارٹی کے اراکین کی ویڈیو کانفرنس منعقد کر کے حتمی فیصلہ لینے کا اعلان کیا۔
اس میٹنگ میں رکن لیجس لیٹیو کونسل سی ایم ابراہیم نے بھی کہا کہ لاک ڈاؤن کی ضرورت نہیں، دفعہ 144 لگائی جائے ، علاج کے اسپتالوں میں بستر ، آکسیجن، دوائیاں فراہم کر یں۔
رکن اسمبلی ضمیر احمد خان اور رضوان ارشد نے مسلم مہلوکین کی تدفین کے لئے علاحدہ جگہ فراہم کرنے کی اپیل کی، بہرحال اپوزیشن اراکین نے لاک ڈاؤن کی مخالفت کی اور علاج کی سہولت بڑھانے کا مشورہ دیا۔
میٹنگ میں رکن پارلیمان بنگلور و دیہی کے ڈی سی سریش نے وزیر صحت سدھا کر کے ساتھ سخت الفاظ میں ناراضگی ظاہر کر تے ہوئے کہا کہ علاج کی سہولت ٹھیک نہیں ہے۔