کرناٹکا حکومت نے اسکولوں کو دی آن لائن پڑھائی کی اجازت

Source: S.O. News Service | By I.G. Bhatkali | Published on 29th June 2020, 8:31 PM | ریاستی خبریں |

بنگلورو29/جون (ایس او نیوز) ریاستی حکومت نے منسٹری آف ہیومن ریسورس ڈیولپمنٹ (ایم ایچ آر ڈی) کی طرف سے جاری کیے گئے رہنما اصولوں کی روشنی میں اسکولوں کو اجازت دی ہے کہ وہ بچوں کے لئے آن لائن پڑھائی شروع کرسکتے ہیں۔

ریاستی حکومت کی طرف سے جاری بیان کے مطابق اب جو ہدایات جاری کی گئی ہیں وہ اس وقت تک لاگو رہیں گے جب تک ریاستی سطح پر تشکیل دی گئی ’ایکسپرٹ کمیٹی‘ کی طرف سے حالات کا جائزہ لینے کے بعداپنی رپورٹ اور رہنما اصول پیش نہیں کئے جاتے۔حکومت نے یہ بھی واضح کیا  ہے کہ اسکولوں میں باقاعدہ پڑھائی کا موقع نہ رہنے کی وجہ سے متبادل کے طور پر آن لائن پڑھائی کی اجازت دے رہی ہے اس لئے کسی بھی قسم کی اضافی فیس طلبہ سے وصول نہیں کی جانی چاہیے۔

 آن لائن پڑھائی کا شیڈول جو سرکاری طور پر مرتب کیا گیا ہے اس کے مطابق پری پرائمری کلاس کے لئے 30منٹ کا ایک سیشن ہفتے میں صرف ایک مرتبہ ہوگا۔پہلی جماعت سے پانچویں جماعت تک 30تا 45منٹ کا پیریڈ ایک دن ناغہ کرتے ہوئے ہر تیسرے دن ہوگا۔چھٹویں سے آٹھویں جماعت تک روزانہ 30 تا 45 منٹ کے دو پریڈہفتے میں پانچ دن ہوا کریں گے۔ اور ۹ ویں سے دسویں جماعت تک روزانہ 30 تا 45 منٹ کے چار پریڈہفتے میں پانچ دن ہوا کریں گے۔

ایک نظر اس پر بھی

مینگلور: کورونا کا پھر زبردست اچھال، 196کیس نکلے پوزیٹیو۔ اڈپی میں 41نئے معاملات؛ دونوں اضلاع میں 6 کی موت

آج بھی جنوبی کینرا میں کورونا نے اپنا قہر ڈھایا جس کے نتیجے میں ایک ہی دن میں 196معاملے پوزیٹیو نکلے ہیں۔جبکہ  ایک ہی دن میں 5افرادموت کا شکار ہوگئے جس کے ساتھ ضلع میں مرنے والوں کی تعداد46ہوگئی ہے۔

کورونا کے قہر سے قطع نظرفرقہ وارانہ ایجنڈہ پر بی جے پی متوجہ، ریاست میں ایک بار پھر انسداد گؤ کشی قانون لانے کی تیاری

ایسے مرحلے میں جبکہ ریاست کے عوام کورونا وائرس کے قہر سے بدحال ہیں، ریاست کی بی جے پی حکومت خاموشی سے اپنا فرقہ وارانہ ایجنڈہ نافذ کرنے کی تیاریوں میں لگی ہوئی ہے۔

نائب وزیر اعلیٰ اشوتھ نارائین نے شہر کے مغربی زون میں کورونا صورتحال کا جائزہ لیا

شہر بنگلورو میں کورونا متاثرین کے علاج کے لئے حکومت کی طرف سے جاری انتظامات کے ساتھ ریاستی حکومت نے ہفتہ کے روز ا س حقیقت کا بھی اعتراف کیا ہے کہ کورونا وائرس سے ہر کر مرنے والوں کی تعداد کورونا متاثرین کے مقابلہ کافی زیادہ ہے اور ان کے علاج کے لئے حکومت نے فوری انتظامات کرنے کا ...

ریوا سولار پلانٹ ایشیا کے سب سے بڑے پلانٹ ہونے کا دعویٰ جھوٹا: ڈی کے شیوکمار

وزیراعظم مودی نے بروز جمعہ مدھیہ پردیش کے ریوا ضلع میں 750میگاواٹ کی پیداوار کی گنجائش والے سولارپلانٹ کا افتتاح کرتے ہوئے قوم کے نام وقف کیا۔ وزیراعظم دفتر کی طرف سے اس پلانٹ کو ایشیا کا سب سے بڑا سولار پلانٹ بتایاگیاہے۔

کرناٹکا کے وزیر سی ٹی روی سمیت معروف فلم ایکٹر امیتابھ بچن کی رپورٹ بھی کورونا پوزیٹیو

کرناٹک میں کورونا کا پھیلاو اتنا زیادہ ہوگیا ہے کہ اس سے کوئی  محفوظ نظر نہیں آرہا ہے۔ آج  کرناٹکا ٹورسم منسٹر سی ٹی روی کی رپورٹ بھی کورونا پوزیٹیو آنے کی اطلاع ملی  ہے، وہ کرناٹک کے پہلے وزیر ہیں جن کی رپورٹ پوزیٹیو آئی ہے حالانکہ لوک سبھا ایم پی سومالتا امبریش، ایم ایل ...