کرناٹک: دلت ہونے کی وجہ سے بی جے پی ایم پی کو گاؤں میں جانے سے روکا،جانچ شروع

Source: S.O. News Service | Published on 17th September 2019, 8:03 PM | ریاستی خبریں |

بنگلور،17ستمبر(ایس او نیوز/آئی این ایس انڈیا) ذات امتیازی سلوک کا شکار اب بی جے پی کے ایک ایم پی کو ہونا پڑا ہے۔کرناٹک کے چتردرگ سے ممبر پارلیمنٹ نارائن سوامی ٹمکر ضلع کے پاواگڑا کے گولارہٹی میں ترقیاتی کاموں کا جائزہ لینے کے لئے تھے۔اسی دوران دیہاتیوں نے انہیں اس لئے گاؤں میں گھسنے سے روک دیا کیونکہ وہ دلت ذات سے تعلق رکھتے ہیں،گاؤں والوں سے اس دوران تھوڑی بحث بھی ہوئی لیکن ممبر پارلیمنٹ کو واپس لوٹنا پڑا۔نارائن سوامی ایک نجی سروس کمپنی کے حکام کے ساتھ پینے کے صاف پانی پروجیکٹ قائم کرنے کے لئے گاؤں میں جانے کی کوشش کر رہے تھے،تبھی دیہاتیوں نے گاؤں کی سرحد پر ایم پی کی گاڑی کو روک دیا، ممبر پارلیمنٹ نے اس کی مخالفت کی،گاؤں یادو اکثریتی ہے،ایم پی نارائن سوامی نے اس واقعہ کی تصدیق کی ہے۔انہوں نے انگریزی اخبار دی ہندو کو بتایاکہ مجھے گہرا درد ہوا کیونکہ مجھے دلت ہونے کی وجہ گولاراہٹی میں جانے کی اجازت نہیں دی گئی،میں ان کے مسائل کو سننے اور انہیں رہائش گاہ اور دیگر بنیادی سہولیات فراہم کرنے کے لئے گیا تھا، کیونکہ وہ کئی سالوں سے بغیر کسی سہولت کے جھونپڑیوں میں رہ رہے ہیں۔نارئن سوامی نے کہا کہ وہ پولیس کی مدد سے گاؤں میں داخل ہو سکتے تھے لیکن انہوں نے ایسا نہیں کیا۔انہوں نے کہاکہ گولاراہٹی کے گوللا کمیونٹی کے لوگوں نے ہمیں بتایا کہ دلت ہونے کی وجہ سے پہلے بھی ایک سابق ممبر اسمبلی تھماریپا کو گاؤں میں نہیں گھسنے دیا گیا تھا۔عینی شاہدین نے بھی کہا کہ دلت ہونے کی وجہ سے ایم پی کو گاؤں میں جانے سے روکا گیا۔ایک دیہی نے کہاکہ پرانی روایت ہے، تاریخ ہے، لہذا لوگوں نے کہا کہ ان کو اجازت نہیں دی جانی چاہیے۔

ایک نظر اس پر بھی

رام ہندوستان میں نہیں تھائی لینڈ میں پیدا ہوئے تھے؛ گلبرگہ میں ایک بدھسٹ سنت کا دعویٰ

یہاں پرمنعقدہ ایک مذہبی پروگرام میں معروف بدھسٹ سنت بھنتے آنند مہشتویرنائب صدر اکھل بھارتیہ بِکّو سنگھ نے دعویٰ کیا کہ رام ہندوستان میں پیدا نہیں ہوئے تھے بلکہ ان کا جنم تھائی لینڈ میں ہوا تھا۔اور اس مسئلے پر وہ کسی کے ساتھ بھی کھلی بحث کرنے اور اپنا موقف ثابت کرنے کے لئے تیار ...

شموگہ میں عشق ومحبت کی شادی کا المناک انجام۔ وہاٹس ایپ پر طلاق دئے جانے کے بعدڈی سی دفتر کے باہرمطلقہ خاتون کادھرنا؛ مسلم تنظیموں کو توجہ دینے کی ضرورت

عشق و محبت کے چکر میں مبتلا ہوکر جس لڑکے سے شادی کی تھی اسی نے وہاٹس ایپ کے ذریعے طلاق دے کر اپنی زندگی سے الگ کردیا تو مطلقہ خاتون ڈپٹی کمشنر دفتر کے باہر احتجاجی دھرنے پر بیٹھ گئی۔

عالمی یوم بنات کے موقع پر بنگلور کی اقرا اسکول کی نور عائشہ کا لڑکوں کی تعلیم کے ساتھ لڑکیوں کی تعلیم پر توجہ دینے کی ضرورت پر زور

عالمی یوم بنات کے موقع پر  اقرا انٹرنیشنل اسکول بنگلور کی بانی ڈائرکٹر نور عائشہ نے   معاشرتی خرابیوں کو دور کرنے کے لئے مسلمانوں پر زور دیا کہ مسلمانوں کو لڑکیوں کی تعلیم پر بھی اتنی ہی اہمیت دینی چاہیے جتنی اہمیت وہ لڑکوں کی تعلیم پر دیتے ہیں۔ کارڈف سے بزنس گریجویٹ نور ...

بنگلور میں منعقدہ پاپولر فرنٹ آف انڈیا کے زیراہتمام دلت-مسلم مذاکرہ میں سماجی اتحاد کی کوششوں کو مضبوط کرنے کا عزم

پاپولر فرنٹ آف انڈیا کے زیرِ اہتمام منعقدہ دلت-مسلم مذاکرہ میں شریک مندوبین نے زمینی سطح پر سماجی اتحاد کی تعمیر کے لئے قدم اٹھانے اور دلتوں اور مسلمانوں کے مشترکہ مسائل کے حل کے لئے مشترکہ حکمت عملی تیار کرنے کے عزم کا اظہار کیا

این آر سی کے متعلق مسلمان پریشان کیوں نہ ہوں؟ امیت شاہ کا فرمان اور ریاستی وزیر داخلہ بومئی کا متضاد بیان- کسے مانیں کسے چھوڑیں؟

کیا کرناٹک میں این آر سی کے نفاذ کے معاملے میں ریاستی حکومت کا موقف مرکزی حکومت خاص طور پر مرکزی وزیر داخلہ امیت شاہ کے موقف سے مختلف ہے- حالانکہ امیت شاہ نے حال ہی میں مغربی بنگال میں ایک بیان دیا تھا کہ اس ملک میں این آر سی کا عمل پورا ہونے کے بعد غیر ملکی قرار پانے والے ہندو، ...

سرکاری اسکولوں میں داخلوں میں اضافہ کیلئے تعلیمی معیار کو بہتر بنانا ضروری

ریاستی حکومت کی طرف سے آر ٹی ای قانون میں ترمیم کے بعد جاریہ تعلیمی سال اگرچہ کہ سرکاری اسکولوں میں بچوں کے داخلوں کے معاملہ میں کچھ اضافہ دیکھا گیا ہے، مگر محکمہ تعلیم اس اضافہ سے مطمئن نہیں ہے اس لئے کہ یہ نتائج اس کی امیدوں کے مطابق نہیں رہے ہیں،