بنگلورو، 4/جون (ایس او نیوز/یو این آئی) کرناٹک کے وزیر اعلیٰ سدارامیا ، نائب وزیر اعلیٰ ڈ ی کے شیوکمار اور سابق وزیر اعلیٰ بسوراج بومئی نے اڈیشہ میں بنگلورو ہوڑہ سوپر فاسٹ ایکسپریس ٹرین کے شدید حادثے کے متاثرین کے خاندان کے تئیں گہری تعزیت کا اظہار کیا ہے۔ اس حادثے میں اب تک 288 لوگوں کی موت ہوگئی اور 1000 سے زیادہ لوگوں زخمی ہوئے ہیں۔ 

مسٹر سدارامیا نے ٹویٹ کر کے کہا کہ اڈیشہ کے بالاسور میں ٹرین حادثے میں 50 سے زیادہ لوگوں کی موت کی خبر سے گہرا دکھ ہوا ہے۔ ان کی  روح کو سکون حاصل ہوا۔ متوفیوں کے خاندان کے تئیں میری گہری تعزیت۔ میں زخمیوں کے جلد صحت یاب ہونے کی دعا کرتا ہوں۔ 

مسٹر شیو کمار نے کہا کہ اڈیشہ کے بالاسور سے دل دہلانے والی خبریں آرہی ہیں۔ جہاں کورومنڈل ایکسپریس کے ڈبے پٹری سے اتر گئے، جس کی وجہ سے ایک اور ٹرین کے ساتھ بڑا حادثہ ہوگا۔ میری تعزیت اور دعا ایسے  مشکل وقت میں اس سانحہ سے متاثر خاندان کے لوگوں کے ساتھ ہیں۔ 

مسٹر بومئی نے ٹوئٹ کیا: اڈیشہ میں ٹرین حادثے میں لوگوں کی موت سے گہرا دکھا ہوا۔ میری تعزیت سوگ میں ڈوبے خاندانوں کے ساتھ ہے۔ زخمیوں کو فوری صحت یاب ہونے کی دعا کرتا ہوں۔ 

جنوب مشرق ریلو کے مطابق شالیمار۔ چنئی کورومنڈل ایکسپر اور سرایم وشویشوریا۔ ہاؤڑ ا سوپر فاسٹ ایکسپریس جمعہ کی شام تقریباً 6:55 بجے بہناگا بازار ریلوے اسٹیشن کے قریب پٹری سے اتر گئی۔ 

اب تک ملنے والی اطلاع کے مطابق اس حادثہ میں 288 لوگوں کی موت ہوچکی ہے اور تقریباً 1000لوگ زخمی ہوچکے ہیں۔ تمام گوپال پور ، کھنٹا پارا، بالاسور، بھدرک اور سورو کے اسپتالوں میں بھرتی کرایا گیا ہے۔ 

غور طلب ہے کہ اس حادثے  کے بعد ریلوے وزیر اشونی بیشنو موقع پر پہنچے اور بچاؤ مہم کی نگرانی کی ۔ جنوب مشرق ریلوے کے منیجنگ ڈائریکٹر اور دیگر اہم افراد بھی موقع پر پہنچ چکے ہیں۔