بیدر۔21/اگست۔(محمدامین نواز/ایس او نیوز) ریاست کرناٹک کے  بیدر میں تعلیمی انقلاب برپا کرنے والا تعلیمی ادارہ ”شاہین ادارہ جات بیدر“کے دو طلباء محمد ارباز احمد جن کا ہال ٹکٹ نمبرGV155ہے نے ویٹرنری میں ریاستی سطح پر 6واں رینک حاصل  کیا ہے۔اسی طرح کارتک ریڈی جن کا ہال ٹکٹ نمبرHJ231ہے نے ریاستی سطح پر 9وں رینک حاصل کیا ہے۔

مذکورہ بالا دونوں طلباء نے ریاستی سطح پر مُختلف کورسس میں 6رینک حاصل کئے ہیں۔ شاہین پی یو کالج کوریاستی سطح پر مُختلف کورسس  میں 6رینک حاصل کرنے کا اعزاز حاصل ہوا ہے، اسی  طرح ریاستی سطح پر بنگلورو کے طلباء نے مُختلف کورسس میں سب سے زیادہ 16رینک حاصل کئے ہیں‘اس کے بعد شمالی کنڑا ضلع کے طلباء نے ریاستی سطح پر13رینک حاصل کئے ہیں جبکہ میسورو کے طلباء نے 6رینک حاصل کئے ہیں۔

شاہین شمالی کرناٹک کا واحد تعلیمی ادارہ ہے جس  کو ریاستی سطح پر مُختلف کورسس میں 6رینک حاصل ہوئے ہیں‘ہبلی کے طلباء نے ریاستی سطح پر 3رینک حاصل کئے ہیں۔کوٹھا راجستھان جہاں کرناٹک کے طلباء ریاستی سطح پر 3رینک حاصل کئے جبکہ دھارواڑ اور ہاسن ضلع کے طلباء نے ریاستی سطح پر ایک ایک رینک حاصل کیا۔

ریاستی سطح پر مُختلف کورس میں 6رینک حاصل کرنے پر شاہین کیمپس میں بیدر میں مسرت کا ماحول دیکھا گیا‘ طلباء و طالبات نے اپنی مسرت کا اِظہار کرتے ہوئے وکٹوری نشان بتاکر مسرت کا اظہار کیا۔اس موقع پر ڈاکٹر عبدالقدیر چیرمن شاہین ادارہ جات بیدر نے ایک تہنیتی پروگرام رکھ کر محمد اربا ز اور کارتک ریڈی کو گل پیش کرکے شالپوشی کی اور ان کے ساتھ دیگر طلباء و طالبات جنھوں نے KCETمیں بہتر رینک حاصل کیا ان کو بھی تہنیت پیش کی گئی۔