دھارواڑ، 7؍ستمبر (ایس ا و نیوز) ہبلی۔ دھارواڑ، بیلگاوی اور کلبرگی سٹی کارپوریشن انتخابات کے نتائج کا اعلان ہوگیا ہے۔ بیلگاوی میں بی جے پی کو 35 سیٹوں پر کابی حاصل ہوئی ہے، کانگریس کو  10 سیٹوں پر، 12 آزاد امیدوار اور مجلس کی ایک سیٹ پر جیت حاصل ہوئی ہے۔ کلبرگی میں کانگریس سب سے بڑی پارٹی بن کر ابھری ہے۔ کلبرگی کے جملہ  وارڈوں میں کانگریس کو 27 سیٹوں پر، بی جے پی کو 23 سیٹوں پر، جے ڈی ایس کو 4 سیٹوں پر کامیابی ملی ہے۔ اس طرح بیلگاوی میں بی جے پی برسراقتدار ہوگی جبکہ دھارواڑ اور کلبرگی کا معاملہ معلق بنا ہواہے۔ ہبلی۔ دھارواڑ سٹی کارپوریشن الیکشن میں کسی بھی پارٹی کو واضح اکثریت نہیں ملی ہے۔ 82 وارڈوں کے لیے ہوئے الیکشن میں معمولی اکثریت یعنی  42 سیٹوں پر جیت درج کرنے والی پارٹی برسراقتدار آئے گی لیکن کسی بھی  پارٹی  کی طرف سے میجک نمبر 42 کراس کرنا ممکن نہیں ہوپایا ۔ بی جے پی 39 سیٹیں جیت کر معمولی اکثریت کے قریب آتے آتے رہ گئی ہے۔  ہبلی ۔ دھارواڑ سٹی کارپوریشن انتخابات میں بی جے پی نے 39 نشستیں جیت لی ہیں۔ سٹی کارپوریشن کے 82 وارڈز کے لئے 3 ستمبر کو انتخابات میں جملہ 420 امیدواروں نے الیکشن لڑا ۔ جس میں کانگریس 33، 6آزاد امیدوار ، مجلس اتحاد المسلمین (اے آئی ایم آئی ایم ) کے 3 امیدواروں نے جیت  درج کی ہے اور جے ڈی ایس نے ایک سیٹ جیتی ۔ عام آدمی پارٹی ( اے اے پی) کے امیدواروں نے اس بار 41 وارڈوں میں الیکشن لڑا، تا ہم پارٹی کھاتہ کھولنے  میں ناکام رہی ۔