بنگلورو،6؍ستمبر (ایس او نیوز) خاتون تنظیموں نے مطالبہ کیا کہ اپنی شکایت لے کر جانے والی ایک خاتون کے ساتھ بدسلوکی کرنے والے رکن اسمبلی اروند لمباولی کو اسمبلی رکنیت سے معطل کیا جائے۔

یہاں کانگریس بھون کے سامنے کے پی سی سی مہیلا یونٹ کی صدر ڈاکٹر پشپا امرناتھ کی قیادت میں جمع خاتون تنظیموں کی اراکین نے مطالبہ کیا کہ اروند لمباولی متاثرہ خاتون سے معافی مانگیں۔ انہوں نے کہاکہ رکن اسمبلی کو چاہئے تھاکہ خاتون کی یاد داشت قبول کرکے دلاسہ دیتے یا مطالبہ پورا کرنے کا تیقن دے کر احترام کے ساتھ پیش آتے لیکن انہوں نے انتہائی نازیبا حرکت کی۔

انہوں نے وزیر اعلیٰ بسوا راج بومئی سے مطالبہ کیا کہ لمباولی کے خلاف قانونی کارروائی کریں۔ احتجاجی خواتین نے بتایاکہ حال ہی میں لمباولی کی ایک دفتر نے بھی لمباولی کے کام پر پولیس افسروں کے ساتھ بدتمیزی کی اور اب لمبالوی نے یہ حرکت کی ہے۔ لمباولی کو معطل کرنے کے مطالبہ میں دھرنا دے رہی مہیلا کانگریس کارکنوں کو ہائی گراؤنڈ پولیس اسٹیشن کے عملہ نے گرفتارکیا۔ اس احتجاج کی نگرانی الکل بھارت جن وادی مہیلا تنظیم نے کی۔