ایکزٹ پولس مصنوعی مودی لہر پیدا کرنے کی کوشش، وزیراعلیٰ کمار سوامی نے ووٹنگ مشینوں کی معتبریت پر سوال اٹھائے

Source: S.O. News Service | By Shahid Mukhtesar | Published on 21st May 2019, 10:56 AM | ریاستی خبریں |

بنگلورو، 21مئی (ایس او نیوز) ملک بھر کے مختلف ایکزٹ پولس میں وزیر اعظم مودی کے اقتدار پر برقرار رہنے اور کرناٹک میں بی جے پی کے غیر معمولی مظاہرے کی پیشین گوئی کو مسترد کرتے ہوئے وزیراعلیٰ ایچ ڈی کمار سوامی نے ایک بار پھر الیکٹرانک ووٹنگ مشینوں کی معتبریت پر سوال اٹھایا۔ ملک بھر میں مودی لہر کی پیشین گوئی کرنے والے ماہرین کو آڑے ہاتھوں لیتے ہوئے وزیر اعلیٰ نے کہاکہ 23مئی کو انتخابی نتائج کے مرحلے میں بی جے پی اگر اکثریت حاصل نہ کرپائی تو اس صورت میں علاقائی پارٹیوں کو قبل از وقت رجھانے کے لئے مودی کی طرف سے مصنوعی طور پر یہ لہر چلائی گئی ہے۔انہوں نے کہاکہ تمام اپوزیشن پارٹیوں نے مودی کے اقتدار میں الیکٹرانک ووٹنگ مشینوں کی معتبریت پر سوال اٹھاتے ہوئے تمام اپوزیشن پارٹیوں نے سپریم کور ٹ سے بھی رجوع کیا اور گزارش کی تھی کہ روایتی بیالیٹ کاغذ پر انتخابات کروائے جائیں، لیکن بدقسمتی سے عدالت نے اپوزیشن پارٹیوں کے استدلال کو خاطر میں نہیں لایا۔ کمار سوامی نے کہاکہ ترقی یافتہ ممالک نے بھی روایتی بیالیٹ پیر پر ووٹنگ کے نظام کو معتبر مانا ہے، اورو ہاں یہی نظام رائج ہے۔ انہوں نے کہاکہ ایگزی پولس کا استعمال اس تاثر کو پیدا کرنے کے لئے کیا جارہاہے کہ ملک میں اب بھی مودی لہر چل رہی ہے۔ جبکہ حقیقت کچھ اور ہی ہے۔ عوام کے فرمان کو مصنوعی طور پر موڑنے کی جو کوشش کی گئی ہے اس میں بی جے پی شاید ہی کامیاب ہو پائے۔ کرناٹک میں بی جے پی کو 21سیٹوں پر کامیابی کے دعوے کو مسترد کرتے ہوئے کمار سوامی نے کہاکہ ایسے دور میں جبکہ پورا ملک مودی لہر کی لپیٹ میں تھا، کرناٹک میں بی جے پی 17سیٹوں پر کامیاب ہوئی،اب جبکہ سارے ملک میں عوام مودی سے ناراض ہیں یہ دعویٰ کرنا کہ بی جے پی 21سیٹوں پر کامیاب ہورہی ہے خام خیالی ہے۔ 

ایک نظر اس پر بھی

سولیا: پہاڑی مہم جو ٹیم کا ایک رکن ہوگیا لاپتہ۔قریبی جنگلات میں جاری ہے تلاشی مہم 

بنگلورو کی ایک کمپنی کے ملازمین کی ٹیم سبرامنیا میں واقع پہاڑی ’کمارا پروتا‘ کو سر کرنے کی مہم پر نکلی تھی۔ لیکن واپسی کے وقت ٹیم کا ایک رکن جنگلات میں اچانک لاپتہ ہوگیا ہے، جس کی شناخت سنتوش (25سال) کے طور پر کی گئی ہے۔

سیلاب متاثرین سے وزیر اعظم کو کوئی ہمدردی نہیں منڈیا میں منعقدہ پرتیبھا پرسکار کے جلسہ سے سابق وزیر اعلیٰ سدارامیا کا خطاب

ملک کے وزیر اعظم کو سیلاب متاثرین سے کوئی ہمدردی نہیں ہے۔ پچھلے ایک سو سال سے کبھی نہ دیکھا گیا سیلاب ریاست میں آیا ہے اور ہزاروں افراد کی زندگی تباہ ہوچکی ہے۔

آئی ایم اے فراڈ کیس کا ایک نیا موڑ، قدآور شخصیات راڈر پر، منصور خان نے سابق وزیر دیش پانڈے پر 5/کروڑ روپئے طلب کرنے کا الزام لگایا 

آئی ایم اے فراڈ کیس دن بدن نیا زاویہ اختیار کرتا جارہا ہے، اس کیس کے کلیدی ملزم اور آئی ایم اے کے سربراہ منصور خان نے دعویٰ کیا ہے کہ سابق ریاستی وزیر اور سینئر کانگریس لیڈر آر وی دیش پانڈے نے آئی ایم اے کو 600کروڑ روپئے کا قرضہ حاصل کرنے کے لئے نو آبجیکشن سرٹی فکیٹ (این او سی) جاری ...