ممبئی،7ستمبر(ایس او نیوز/آئی این ایس انڈیا) گنیش اتسوکے درمیان مہاراشٹر کے ممبئی پہنچے وزیر اعظم نریندر مودی نے یہاں چندریان 2 کے لئے اسرو کے سائنسدانوں کی دل کھول کر تعریف کی۔وزیر اعظم نے کہا کہ چندریان 2 مشن میں ایک رکاوٹ ضرور آئی ہے لیکن چاند پر پہنچنے کا ہمارا خواب پورا ہوکر رہے گا۔انہوں نے کہا کہ اسرو نے اس مشن کے لئے جس طرح سے محنت کی، اس کے لئے ہمیں اس سے منسلک تمام لوگوں پر فخر ہے۔پی ایم مودی نے ممبئی کے لوگوں کو گنپتی تہوار کے درمیان بڑی سوغات دی ہے۔پی ایم مودی نے یہاں 19 ہزار کروڑ روپے کی لاگت والے تین اور میٹرو کاریڈورس کی بنیاد رکھی۔پی ایم نے ہندوستان ارتھ موورس کی طرف سے تیار میک ان انڈیا میٹرو کوچ کا بھی افتتاح کیا۔اس دوران یہاں ایک پروگرام میں جلسے سے خطاب کرتے ہوئے وزیر اعظم نے چندریان 2 کو لے کر اسرو کے سائنسدانوں کی تعریف کی۔وزیر اعظم نے کہاکہ مقصدکیلئے کس طرح دن رات ایک کر دیا جاتا ہے،کس طرح کے برعکس حالات میں بھی، بڑی سے بڑی چیلنج میں بھی مکمل تحمل کے ساتھ ہم اس مقصد کو حاصل کرنے کے لئے مصروف رہ سکتے ہیں، یہ ہم اسرو کے سائنسدانوں سے سیکھ سکتے ہیں۔اسرو سائنسدانوں نے جو حوصلہ دکھایا ہے، اسے دیکھ کر میں بہت متاثر ہوں۔اسرو سائنسدانوں کی تعریف کرتے ہوئے وزیر اعظم نے کہاکہ کسی بھی مقصد کو حاصل کرنے کے لئے کوشش کرنے والے تین طرح کے لوگ ہوتے ہیں،سب سے کم سطح پر وہ ہوتے ہیں جو رکاوٹوں کے خوف سے کبھی کام کے آغاز نہیں کرتے،درمیان سطح پر کچھ لوگ ایسے ہوتے ہیں جو کام تو شروع کر دیتے ہے پر رکاوٹ آتے ہی فراراختیارکرلیتے ہیں۔بلند ترین سطح پر وہ لوگ پہنچتے ہیں جو مسلسل رکاوٹ کے باوجود مسلسل کوشش کرتے ہیں اور اس مقصد کو حاصل کر کے ہی دم لیتے ہیں۔اسرو سائنس داں اسی سطح کے لوگ ہیں۔ایک رکاوٹ آج ہم نے دیکھی ہے لیکن اسرو کے سائنس داں اس وقت تک نہیں رکیں گے جب تک منزل تک نہیں پہنچ جاتے،چاند پر پہنچنے کا خواب پورا ہو کر رہے گا۔