نئی دہلی ،3 ؍دسمبر (آئی این ایس انڈیا) گزشتہ 24 گھنٹوں میں ملک میں کورونا کے 9,216 نئے کیسز رپورٹ ہوئے ہیں۔ صحت یابی کی شرح 98.35فیصد ہے۔ گزشتہ 24 گھنٹوں میں 8,612 افراد کورونا سے صحت یاب ہوئے ہیں۔ اب تک کل 3,40,45,666 لوگ ٹھیک ہو چکے ہیں۔ یومیہ مثبت شرح 0.80 فیصدہے۔ ہفتہ واری مثبت شرح 0.84ہے، جو گزشتہ19 دنوں سے 1 فیصد سے کم ہے۔ اب تک کل 125.75 کروڑ ٹیکے لگائے جا چکے ہیں۔جنوبی افریقہ میں کورونا کی نئی قسم سانے کے کے بعد ہندوستان میں بھی احتیاط برتی جا رہی ہے۔

اب یہ شکل ہندوستان تک پہنچ گئی ہے۔ ہندوستان میں اب تک اومیکرون کے دو کیسز رپورٹ ہوئے ہیں، جو کہ کورونا کی ایک نئی قسم ہے۔ ان میں سے ایک ہندوستانی شہری ہے اور دوسرے کا تعلق جنوبی افریقہ سے ہے۔ہندوستانی شہری میں 21 نومبر کو علامات (بخار اور جسم میں درد) کی اطلاع ملی تھی۔ اگلے دن جب اس کا ٹیسٹ مثبت آیا تو اسے اسپتال میں داخل کرایا گیا۔ نیز جنوبی افریقی شہری میں کوئی علامات نہیں پائی گئی ۔