دہلی میں لگاتار بارش نے روکی گاڑیوں کی رفتار، ٹریفک پولیس کی رہنما ہدایات جاری

Source: S.O. News Service | Published on 23rd September 2022, 8:39 PM | ملکی خبریں |

نئی دہلی،23؍ستمبر(ایس او نیوز؍ایجنسی) قومی راجدھانی دہلی میں گزشتہ کئی روز سے ہو رہی بارش جمعہ کے روز بھی جاری رہی۔ جس کے سبب کئی علاقوں میں پانی بھر گیا اور معمولات زندگی درہم برہم ہو گئے۔ ایک طرف جہاں پانی بھرنے کے سبب لوگ پریشان حال ہیں وہیں سڑکوں پر بھی ٹریفک جام کے درمیان گاڑیوں کی رفتار ماند پڑ گئی۔

دہلی ٹریفک پولیس کے مطابق ہنومان مندر کیرج وے، لبسپور انڈرپاس، مہارانی باغ-تیمور نگر کٹ، سی ڈی آر چوک، مہرولی سے گڑگاؤں، اندھیریا موڑ سے وسنت کنج، نظام الدین برج کے نیچے اور سنگھو بارڈر پٹرول پمپ کے نزدیک پانی بھرنے کی اطلاع موصول ہوئی ہے۔ پولیس نے مسافروں کو ان علاوقوں میں جانے سے اجتناب کرنے کا مشورہ دیا گیا ہے۔

راجدھانی میں جمعہ کے روز بھی مطلع ابر آلود رہا اور تمام علاقوں میں ہلکی بارش ہوتی رہی۔ وہیں، انڈیگو ایئر لائنز نے اپنے مسافروں کو مشورہ دیا ہے کہ وہ دہلی ہوائی اڈے کے سفر کے دوران جلدی گھر سے نکل جائیں کیونکہ شہر کے کئی حصوں سے پانی بھر جانے کی اطلاعات ہیں۔ گڑگاؤں اور نوئیڈا میں بھی انتظامیہ نے موسمی حالات کے پیش نظر رہنما ہدایات جاری کی ہیں۔

گڑگاؤں انتظامیہ نے نجی اداروں اور کارپوریٹ دفاتر کے لئے جاری کی گئی رہنما ہدایات میں کہا ہے کہ اپنے ملازمین سے کہیں کہ وہ سڑکوں پر ٹریفک کی بھیڑ سے بچنے کے لیے گھر سے کام کریں۔ وہیں، نوئیڈا کے آٹھویں جماعت تک کے تمام سرکاری اور نجی اسکول بند رکھنے کا حکم جاری کیا گیا ہے کیونکہ شہر کی کئی سڑکیں مسلسل بارش کی وجہ سے زیر آب آ گئی ہیں۔

ایک نظر اس پر بھی

گیان واپی مسجد معاملہ پر الہ آباد ہائی کورٹ میں سماعت، وارانسی عدالت کے فیصلہ پر 31 اکتوبر تک روک

  الہ آباد ہائی کورٹ نے وارانسی کی ایک عدالت کے گیانواپی مسجد کا اے ایس آئی سروے کرانے کے حکم پر لگی روک میں 31 اکتوبر تک توسیع کر دی ہے۔ متعلقہ فریقوں کے دلائل سننے کے بعد جسٹس پرکاش پاڈیا نے معاملے کی اگلی سماعت کے لیے 18 اکتوبر کی تاریخ مقرر کی ہے۔

انکیتا بھنڈاری کے ملزمین کی پیروی کرنے سے وکیلوں کا انکار، ضمانت عرضی پر سماعت ملتوی، سی بی آئی جانچ کا مطالبہ تیز

اتراکھنڈ کے رشی کیش کی رہنے والی انکیتا بھنڈاری قتل واقعہ کے ملزمین پلکت آریہ، انکت اور سوربھ بھاسکر کی عدالت میں پیروی کرنے سے کوٹ دوار کے وکلا نے انکار کر دیا ہے۔ ک

نوٹ بندی کی آئینی درستگی کو چیلنج کرنے والی 59 عرضیوں پر سپریم کورٹ میں 12 اکتوبر کو ہوگی سماعت

مودی حکومت کی جانب سے 2016 میں نافذ کی گئی نوٹ بندی کے آئینی جواز کے خلاف دائر کی گئی عرضیوں پر سپریم کورٹ میں پانچ ججوں کی آئینی بنچ میں 12 اکتوبر کو سماعت ہوگی۔ نوٹ بندی کے خلاف عرضیوں پر سپریم کورٹ نے سوال کیا ہے کہ اب اس معاملے میں کیا باقی ہے؟ کیا اس معاملے کی جانچ کرنے کی ضرورت ...

یوپی: لکھیم پور کھیری میں دلخراش سڑک حادثہ، بس اور ٹرک کے تصادم میں 8 افراد ہلاک، 25 سے زائد زخمی

 اتر پردیش کے لکھیم پور کھیری میں آج صبح ایک بڑا حادثہ پیش آیا۔ معلومات کے مطابق بس اور ٹرک کے درمیان تصادم میں 8 افراد جاں بحق، جب کہ 25 زخمی ہوئے ہیں۔ بتایا جا رہا ہے کہ لکھیم پور کھیری ضلع کے عیسی نگر تھانہ علاقے کی کھماریا پولیس چوکی کے نزدیک شاردا ندی کے پل پر درجنوں مسافروں ...

بی جے پی کے رکن پارلیمنٹ روی کشن کو لگا چونا! کاروباری پر عائد کیا 3.25 کروڑ کی ٹھگی کرنے کا الزام، پولیس میں درج کرائی شکایت

 بی جے پی کے رکن پارلیمنٹ اور اداکار روی کشن مبینہ طور پر 3.25 کروڑ روپے کی ٹھگی کا شکار ہو گئے ہیں، اس واقعہ کی اطلاع پولیس نے دی ہے۔ گورکھپور صدر سے رکن پارلیمنٹ روی کشن نے گورکھپور کینٹ تھانہ میں ایک بلڈر کے خلاف 3.25 کروڑ کی ٹھگی کا الزام عائد کرتے ہوئے مقدمہ درج کرایا ہے۔

مرکزی حکومت کے ملازمین کو ملی سوغات، مہنگائی بھتہ میں 4 فیصد کا اضافہ

مرکزی حکومت نے ایک کروڑ سے زیادہ سرکاری ملازمین اور پنشن حاصل کرنے والے افراد کو تہواروں کے موقع پر سوغات پیش کی ہے۔ وزیر اعظم نریندر مودی کی سربراہی میں منعقد ہونے والے کابینہ کے اجلاس میں مہنگائی بھتہ میں اضافہ کا فیصلہ کیا گیا ہے۔