گلبرگہ،4؍جون (ایس او نیوز؍ایجنسی) کرناٹک کے گلبرگہ میں پیش آئے ایک خوفناک سڑک حادثہ میں گلبرگہ سے تعلق رکھنے والے 8 افراد ہلاک ہوگئے ۔ بتایا گیا ہے کہ گوا سے حیدرآباد کی طرف جانے والی ایک بس کلبرگی ( گلبرگہ ) میں ایک لاری سے ٹکرانے کے بعد کھائی میں جاگری پھر دیکھتے ہی دیکھتے بس آگ کے شعلوں میں گھر گئی۔
متوفیوں کی شناخت 37 سالہ ارجن ، 32 سالہ سرلہ ، 5 سالہ بی ارجن 35 سالہ شیوا کمار 30 سالہ روالی ، 9 سالہ دکشت 40 سالہ انیتا کی حیثیت سے کی گئی ۔ بتایا گیا کہ سالگرہ تقریب میں جو گوا میں منعقد کی گئی تھی شرکت کے بعدیہ سبھی لوگ واپس ہو رہے تھے کہ گلبرگہ میں حادثہ پیش آیا ۔
بتایا گیا ہے کہ پرائیویٹ بس سڑک کنارے پارک لاری سے تیز رفتاری کے ساتھ ٹکرا نے کے بعد بس سے شعلے نکلنے لگے ۔جس کے بعد بس بے قابو ہوکر کھائی میں گر گئی پتہ چلا ہے کہ ٹکر لگتے ہی بس کی ڈیزل ٹینک پھٹ گئی تھی جس کے بعد دیکھتے ہی دیکھتے بس آگ کے شعلوں کی لپیٹ میں آگئی اور بس میں سوار افراد میں سے 8 افراد بشمول بس ڈرائیور اور کلینر برسر موقع ہلاک ہوگئے ۔بتایا گیا ہےت کہ بس میں کل 35 افراد سوار تھے۔ جن میں دو خاندانوں سے تعلق رکھنے والے 32 افراد موجود تھے ۔