کلبرگی : شوہر کے ہاتھوں بیوی کا قتل
کلبرگی ،5؍دسمبر(ایس او نیوز) موضع چنور تعلقہ کلبرگی میں ایک شخص نے چہارشنبہ کے دن اپنی بیوی کی وفاداری پر شک کرتے ہوئے اسے ایک کلہاڑی کے وار کرکے قتل کردیا۔ پولیس بیان کے بموجب مہلوکہ کی شناخت منجولہ ستیش گوٹور کی حیثیت سے ہوئی ہے جب کہ ملزم کا نام ستیش ہے۔ تفصیلات کے بموجب ستیش نے منجولہ کے سر پر کلہاڑی کا وار کرکے اسے قتل کردیا اور بعد ازاں وہاں سے فرار ہوگیا۔ اس عورت نے ہسپتال میں اپنی آخری سانس لی۔بیدر کیمتوطن منجولہ کی شادی چنور گاؤں کے ستیش کے ساتھ ہوئی تھی۔ ستیش اکثر اپنی بیوی کے کردار پر شک و شبہ کا اظہار کرتے ہوئے اس سیجھگڑے کیا کرتا تھا۔ اس ضمن میں چنچولی کے پولیس اسٹیشن میں معاملہ درج کرلیا گیا ہے۔