حکومت ٹیکہ بنانے والی کمپنیوں کو 4500 کروڑ روپئے پیشگی دے گی ، ٹیکوں کا پروڈکشن بڑھانے اور ٹیکہ کاری کو رفتار دینے کیلئے اہم فیصلہ ، وزیر اعظم کی کمپنیوں کے ذمہ داروں سے میٹنگ

Source: S.O. News Service | Published on 21st April 2021, 1:33 PM | ملکی خبریں |

نئی دہلی، 21؍اپریل  (ایس او نیوز؍ایجنسی) مودی حکومت نے کورونا کے سبب ملک میں پھیلی ابتری پر اب سنجیدگی کا مظاہرہ کرتے ہوۓ ٹیکہ بنانے والی کمپنیوں سے ان کا پروڈکشن بڑھانے کی اپیل کی ہے۔ ساتھ ہی اس معاملے میں 45 سوکروڑ روپئے  پیشگی  کے طور پرادا کرنے کا فیصلہ کیا ہے تا کہ یہ کمپنیاں اپنے ٹیکوں کے پروڈکشن میں اضافہ کرسکیں۔ واضح رہے کہ ملک میں سیرم انسٹی ٹیوٹ آف انڈ یا اور بھارت بائیوٹیک ، می دوہی کمپنیاں ٹیکے تیار کر رہی ہیں۔ ان میں سے سیرم انسٹی ٹیوٹ کو3  ہزار کروڑ روپئے  جبکہ بھارت بائیولیک کو15 سو کروڑ روپئے ملیں گے۔ اس رقم کی مدد سے وہ نہ صرف اپنا پروڈکشن بڑھاسکیں گے بلکہ ٹیکوں کی سپلائی میں بھی  اضافہ کرسکیں گے۔

اس سلسلے میں وز یر اعظم مودی نے ٹیکہ تیار کرنے والی کمپنیوں سے میٹنگ کی اور انہیں ہر ممکن مددکرنے کی یقین دہانی کروائی ۔ وزیراعظم نے اپنے خطاب کے دوران کہا کہ کمپنیوں کو اپنے پروڈکشن میں تیزی کے ساتھ اضافہ کرنے کی ضرورت ہے کیوں کہ اس وقت دنیا کی سب سے بڑی ٹیکہ کاری مہم جاری ہے اور اسے رفتار دینے کے لئے ہمیں زیادہ سے زیادہ ٹیکوں کی ضرورت ہے۔ اسی لئے سبھی سے اپیل کی جارہی ہے کہ وہ  اپنی پروڈکشن کی صلاحیت میں اضافہ کر یں۔

دوسری طرف سیرم ا نسٹی ٹیوٹ کی جانب سے حکومت کوٹیکوں  کی 20 کروڑ خوراکیں مہیا کروائی جائیں گی جبکہ بھارت بائیوٹیک کی جانب سے 9  کروڑ خوراک دستیاب کروائی جائیں گی۔ ان ٹیکوں کی قیمت پہلے سے طے شدہ 150 روپئے  فی ٹیکے کے حساب سے ہی ادا کی جاۓ گی۔

ایک نظر اس پر بھی

دہلی پولیس کا شری نیواس بی وی سے پوچھ گچھ کرنا سیاسی انتقام کے سوا کچھ نہیں ہے۔ ایس ڈی پی آئی

سوشیل ڈیموکریٹک پارٹی آف انڈیا (ایس ڈی پی آئی) کے قومی جنرل سکریٹری کے ایچ عبدالمجید نے اپنے جاری کردہ اخباری بیان میں دہلی میں کوویڈ وبائی مرض سے متعلق امدادی سرگرمیوں میں حصہ لینے والے انڈین یوتھ کانگریس کے صدر شری نیواس بی وی سے دہلی پولیس کی جانب سے پوچھ گچھ کا سخت نوٹس  ...

کورونا کا خاتمہ جولائی تک نہیں ہوگا: ایکسپرٹ

جس طرح کورونا کے نئے معاملوں کی تعداد میں کمی درج ہو رہی ہے اس سے یہ امید بنی ہے کہ ہندوستان میں کورونا کی دوسری لہر کا خاتمہ جلد ہو جائے گا لیکن وبائی بیماریوں کے ماہر شاہد جمیل کا کہنا ہے کہ بھلے ہی ابھی کچھ ریاستوں میں کورونا کے کیس کم ہوتے نظر آ رہے ہوں لیکن دوسری لہر کا ...

سادگی کے ساتھ عید منائیں اور چھوٹی جماعت کے ساتھ عید کی نماز ادا کریں ، سرکردہ مسلم رہنماوں کی مسلمانوں سے اپیل

آل انڈیا مسلم پرسنل لاء بورڈ کے صدر مولانا رابع حسنی ندوی ۔ جمعیت علماءہند کے صدر مولانا ارشد مدنی ۔ جماعت اسلامی ہند کے امیر سید سعادت اللہ حسینی سمیت دیگر سرکردہ علماء اور مسلم قائدین مسلمانوں نے اپیل کی ہے کہ وہ کرونا کے بڑھتے خطرات کے پیش نظر احتیاط کریں اور مختصر جماعت ...

لاک ڈاؤن پر ہو سختی سے عمل: اشوک گہلوت

راجستھان میں عالمی وبا کورونا کی دوسری لہر کی چین توڑنے کے لئے آج صبح 5بجے سے لے کر 24 مئی تک سخت لاک ڈاؤن نافذ ہوگیا ہے۔ اس مدت کے دوران، ہنگامی اور ضروری خدمات، میڈیکل، دودھ اور دیگر ضروری خدمات کے لئے رعایت رہے گی۔