مرکزی حکومت خالی پڑی جائیداد کی حفاظت کے لیے نجی ایجنسی کوتعینات کرے گی
نئی دہلی،08/اکتوبر(ایس او نیوز/آئی این ایس انڈیا)مرکزی رہائش اور شہری امور کی وزارت خالی پڑی سرکاری زمین، بنگلوں اور فلیٹ کو قبضے سے بچانے کے لیے نجی سیکورٹی ایجنسی کی خدمت لے گی۔وزارت کے ذرائع نے بتایا کہ مرکزی حکومت کی اہم تعمیر ایجنسی مرکزی محکمہ تعمیرات عامہ (سی پی ڈبلیو ڈی) کو ذاتی سکیورٹی کی تعیناتی کرنے کا کام سونپا گیا ہے۔ان سکیورٹی میں سابق فوجیوں کو ترجیح دی جائے گی۔انہوں نے بتایا کہ سیکورٹی ایجنسیوں کو سکیورٹی کی تعیناتی سے پہلے ان کی توثیق دہلی پولیس سے کرانا ہوگا۔اس کے بعد ہی انہیں خالی پڑے سرکاری بنگلوں، زمین اور فلیٹ میں تعینات کیا جائے گا۔سیکورٹی ایجنسی کو ایک سال کے لئے مقرر کیا جائے گا اور وہ خالی پڑی جائیدادکے لیے ہر وقت دو سکیورٹی کی تعیناتی کرے گی۔دہلی میں ایسی ہزاروں خالی پڑی زمینیں ہیں، جہاں اکثر قبضہ کرنے کی شکایت ملتی ہے۔انہیں قبضے سے بچانے کے لئے یہ فیصلہ کیا گیا ہے۔ذرائع نے بتایاکہ سکیورٹی کی تعیناتی کے باوجود اگر قبضہ ہوتا ہے تو ایجنسی کو زمین، بنگلے یا فلیٹ پر غیر قاوننی قبضہ رہنے تک ہر دن 1000 روپے کا جرمانہ دینا ہوگا۔ حکومت کے اندازوں کے مطابق سیکورٹی ایجنسی کی تقرری کے لئے 93 لاکھ روپے کی ضرورت ہو گی۔