نجی اسکولوں میں فیس کا تنازعہ حل کر نے قدم، وظیفہ یاب جسٹس کی قیادت میں کمیٹی تشکیل دینے حکومت کا فیصلہ

Source: S.O. News Service | Published on 21st June 2021, 12:23 PM | ریاستی خبریں |

بنگلورو، 21؍جون(ایس او  نیوز)کووڈ۔19کی وجہ سے نجی اسکولوں میں فیس کو کے کر تنازعہ حل کر نے حکومت نے ہائی کورٹ کے وظیفہ یاب جسٹس کے قیادت میں کمیٹی تشکیل دینے کا فیصلہ کیا ہے۔

کرناٹک نجی اسکولوں کی کمیٹی کی جانب سے دائر عرضی کی سماعت کے دوران جسٹس سچن شنکر مخدوم کی قیادت والی واحد رکن بنچ کے روبرو اس سلسلہ میں عبوری عرضی داخل کرتے ہو ئے ریاستی حکومت نے کمیٹی تشکیل دینے کی خواہش ظاہر کی ہے۔ سماعت کے دوران حکومت کے وکیل ایڈوکیٹ جنرل پرابھو لنگا کے ناودگی نے بتا یا کہ نجی اسکولوں کے لئے70فیصد فیس حاصل کر نے اور 30فیصد فیس میں رعایت دینے کا حکومت نے فیصلہ کیا تھا۔

انہوں نے بتا یا کہ حکومت کے ان احکامات کے خلاف نجی اسکولوں کے فیڈریشن نے عرضی داخل کی جس کے بعد عدالت نے زبردستی فیصلے نہ تھو پنے کی ہدایت دی۔حکومت کے وکیل نے بتا یا کہ کووڈ کی وجہ سے مکمل فیس ادا کر نے میں والدین و سر پرستوں کو مشکلات کا سامنا ہو نے کے پیش نظر فیس مقرر کر نے کے لئے وظیفہ یاب جسٹس کی قیادت میں کمیٹی تشکیل شے نے کا فیصلہ کیا گیا ہے۔

حکومت کے اس فیصلہ کی مخالفت کر تے ہو ئے نجی اسکولوں کے وکیل نے کہا کہ حکومت کو فیس مقرر کر نے کا اختیار نہیں ہے اس کے علاوہ عبوری عرضی میں کیا مطالبات کئے گئے ہیں اس کا علم نہیں ہے۔ اس سلسلہ میں بنچ نے نجی اسکولوں کے وکیل کو ہدایت دی کہ حکومت کو عبوری عرضی کی نقل پیش کریں۔دریں اثنا رواں تعلیمی سال کا آغاز ہو چلا ہے جس کے تحت ریاستی تعلیمی نصاب کے تمام ماڈل اسکولوں میں بچوں کے داخلہ شروع ہو چکے ہیں۔

اطلاع کے مطابق تقریباً ڈھائی ماہ بعد اساتذہ نے اسکولوں میں قدم رکھا ہے اور اسکولوں کی صفائی،اکثرادا سوہا سمیت تیاریوں کا جائزہ لیا۔ اس کے علاوہ اجتماعی طور پر کامیاب قرار دئے گئے پہلی تا 9ویں جماعت کے بچوں کو اگلے کلاسس میں داخلہ کا عمل شروع کیا، لاک ڈاؤن میں نرمی والے تمام19اضلاع میں یہ منظر دیکھا گیا لیکن ٹرانسپورٹ نظام کی ابھی بحالی نہ ہو نے سے اساتذہ کی بہت کم تعداد اسکولوں کی جانب نکلی۔ بتایا جا تا ہے کہ بنگلور سمیت مختلف اضلاع میں نجی اسکولوں نے بھی بچوں کا داخلہ شروع کر دیا ہے۔

ایک نظر اس پر بھی

بسوراج بومئی کرناٹک کے 30ویں وزیراعلی ؛گورنر تاور چند گہلوٹ نے دلایاعہدہ کی راز داری کا حلف

یڈی یورپا  کے سبکدوش  ہونے کے بعد بدھ 28 جولائی کو  بسواراج بومئی نے ریاست کرناٹک کے 30 ویں وزیراعلی کی حیثیت سے حلف اٹھایا - راج بھون کے گلاس ہاؤز میں منعقدہ مختصر تقریب میں ریاستی گورنر تاور چند گہلوٹ نے بومئی کوعہدہ کی راز داری کا حلف دلایا ۔

بنگلورو: خواتین کے تحفظ کیلئے ریلوے پو لیس کو13موٹر سائیکلیں فراہم

خواتین کے تحفظ کیلئے ریلوے ڈویژن پو لیس نے اپنے اہلکاروں کو13موٹر سائیکلیں فراہم کی ہیں۔ سنگولی رائنا سٹی ریلوے اسٹیشن احاطہ میں ریلوے ڈویژن کے اڈیشنل ڈرائرکٹر جنرل آف پو لیس(اے ڈی جی پی) بھاسکر راؤ نے موٹر سائیکلوں کو عملہ میں تقسیم کیا۔

ریاستی کابینہ میں توسیع جلد کی جائے: کمارسوامی

سابق وزیر اعلیٰ اور ریاستی جنتا دل کے رہنما ایچ ڈی کماسوامی نے وزیر اعلیٰ بسوراج بومئی سے کہا ہے کہ ریاست میں سیلاب کی سنگین صورتحال سے نپٹنے کے لئے وہ اپنی کابینہ میں جلد از جلد توسیع کریں۔

کرناٹک: یڈی یورپا کے استعفیٰ سے غمزدہ حامی نے کر لی خودکشی

کرناٹک کے وزیر اعلی بی ایس یڈی یورپا کے استعفیٰ سے غمزدہ ہوکر ان کے ایک حامی نے خود کشی کرلی ہے، جس پر وزیراعلی نے نوجوانوں کو اس طرح کے قدم نہ اٹھانے کی اپیل کی ہے۔ پولیس ذرائع نے بتایا کہ خودکشی کرنے والے کی شناخت روی (35) کے طور پر ہوئی ہے اور وہ چامراج نگر ضلع کے بومل پور گاؤں کا ...