بنگلورو،10؍ ستمبر(ایس او نیوز) کنڑا زبان کی بے حرمتی کے الزام میں گوگل کے خلاف کارروائی کا مطالبہ کرتے ہوئے دائرعرضی کو ہائی کورٹ نے خارج کردیا ہے - بدعنوان مخالف سمیتی بھارت ٹرسٹ (اے سی سی آئی ٹی) کی جانب سے گوگل کے خلاف دائر مفاد عامہ عرضی کی سماعت کرتے ہوئے ہائی کورٹ ڈویژنل بنچ نے عرضی کو خارج کیا -سماعت کے دوران بنچ نے کہاکہ گوگل نے واقعہ کے تعلق سے وضاحت پیش کی ہے اور کھلے عام کنڑیگاؤں سے معافی بھی مانگی ہے اس لئے عرضی کو خارج کیا جاتا ہے -عرضی گزاروں نے مطالبہ کیا تھا کہ گوگل کے خلاف قانونی کارروائی کی جائے اور 10 کروڑ روپئے جرمانہ عائد کرکے اس رقم کو محکمہ کنڑا وثقافت کے حوالے کیا جائے -یاد رہے کہ چند ماہ قبل گوگل میں ہندوستان کی سب سے خراب زبان کے تعلق سے سرچ کرنے پر اس کا نتیجہ کنڑا آتا تھا جس کے خلاف کنڑیگاؤں کے گوگل کے خلاف سخت احتجاج کیا تھا-