16 مئی سے شروع ہوگی 2021 کی مردم شماری، یوپی میں 30 جون تک چلے گی مہم، ایپ کا بھی ہوگا استعمال
نئی دہلی،20/نومبر(ایس او نیوز/آئی این ایس انڈیا) سال 2021 کی مردم شماری اگلے سال 16 مئی سے شروع ہو جائے گی۔اتر پردیش میں مردم شماری کا پہلا مرحلہ 16 مئی سے شروع ہو جائے گا اور یہ مہم 30 جون 2020 تک چلے گا۔اس دوران تقریبا پانچ لاکھ ملازمین مردم شماری کے لئے ڈیوٹی پر ہوں گے۔بڑی بات یہ ہے کہ اس بار مردم شماری کے لئے موبائل ایپ کا بھی استعمال کیا جائے گا۔ اتر پردیش میں مردم شماری 2021 کے پہلے مرحلے کا کام شروع کرائے جانے کی انتظامیہ نے نوٹیفکیشن جاری کر دیا ہے۔یہ نوٹیفکیشن سیکرٹری ڈاکٹر ہری اوم نے جاری کی ہے۔نوٹیفکیشن میں ضلع افسران سے ملازمین کو ڈیوٹی پر لگانے کو کہا گیا ہے۔مردم شماری کے پہلے مرحلے کا کام 16 مئی سے 30 جون 2020 کے دوران کیا جائے گا۔وزیر داخلہ نتیاند رائے نے کہا کہ مردم شماری 2021 اس بار 16 زبانوں میں منعقد کی جائے گی۔انہوں نے بتایاکہ مردم شماری 2021 کے اعداد و شمار جمع کرنے کے لئے ایک مکس موڈ نقطہ نظر اپنایا جا رہا ہے۔مردم شماری دو مراحل میں منعقد کی جائے گی۔اپریل سے ستمبر 2020 تک ہاؤس-لسٹنگ اور ہاؤسنگ مردم شماری ہو گی۔اس کے بعد 9 سے 28 فروری 2021 کے دوران آبادی کا شمار ہوگا۔نتیاند رائے نے کہا کہ مردم شماری 2021 کے انعقاد کے لئے تقریباً8 ہزار 754 کروڑ کی لاگت آئے گی۔انہوں نے یہ بھی بتایا کہ حساب کرنے والے افسر موبائل اپلی کیشن کا استعمال کرکے بھی ڈیٹا جمع کر سکتے ہیں۔